توقاەۆ اۋىلدى قولداۋعا ارنالعان باعدارلامالاردى قايتا قاراۋدى تاپسىردى

توقاەۆ اۋىلدى قولداۋعا ارنالعان باعدارلامالاردى قايتا قاراۋدى تاپسىردى
اقوردا

مەملەكەت باسشىسى قاسىم-جومارت توقاەۆ اۋىلدى قولداۋ جەنە اگرارلىق سالانى دامىتۋ ماقساتىندا قابىلدانعان باعدارلامالارعا جان-جاقتى تالداۋ جٷرگٸزۋدٸ تاپسىردى. بۇل تۋرالى پرەزيدەنت استانادا ٶتكەن اۋىل شارۋاشىلىعى قىزمەتكەرلەرٸنٸڭ ٷشٸنشٸ فورۋمىندا مەلٸمدەدٸ, دەپ حابارلايدى dalanews.kz.

پرەزيدەنت اۋىل تۇرعىندارىنىڭ ٶمٸر سٷرۋ ساپاسىن جاقسارتۋ ٷشٸن قولايلى جاعداي جاساۋ قاجەتتٸگٸن اتاپ ٶتتٸ. ونىڭ ايتۋىنشا, سوڭعى جىلدارى اۋىل شارۋاشىلىعىن قولداۋعا باعىتتالعان كٶپتەگەن باعدارلاما قابىلدانعانىمەن, ولاردىڭ بٸرقاتارى مازمۇنى جاعىنان بٸر-بٸرٸن قايتالايدى. ايىرماشىلىعى تەك اتاۋىندا بولۋى مٷمكٸن.

«قازٸردٸڭ ٶزٸندە "اۋىل اماناتى", "اۋىل – ەل بەسٸگٸ", "كەڭ دالا", "بەرەكە", "جايلاۋ", "يگٸلٸك", "سىباعا" جەنە باسقا دا باعدارلامالار جٷزەگە اسىرىلىپ جاتىر. ەرينە, بۇل جوبالاردىڭ بارلىعى سالاداعى ٶزەكتٸ مەسەلەلەردٸ شەشۋگە باعىتتالعان. الايدا اتقارىلىپ جاتقان جۇمىستىڭ تيٸمدٸلٸگٸ قانداي? مۇنداي سۇراقتىڭ تۋىنداۋى زاڭدى. بٸزگە باعدارلامالار سانىن كٶبەيتۋ ەمەس, اۋىل شارۋاشىلىعىن ساپالى دامىتۋ قاجەت», – دەدٸ مەملەكەت باسشىسى.

وسىعان بايلانىستى ٷكٸمەتكە اۋىل مەن اگرارلىق سەكتوردى قولداۋ ٷشٸن ەزٸرلەنگەن قۇجاتتاردىڭ بارلىعىنا كەشەندٸ تالداۋ جٷرگٸزۋ مٸندەتٸ جٷكتەلدٸ.

پرەزيدەنتتٸڭ پٸكٸرٸنشە, ەر باعدارلامانىڭ ناقتى ماقساتى مەن مٸندەتٸ بولۋى كەرەك. ەڭ باستىسى, قابىلدانىپ جاتقان شارالار شارۋالارعا تٷسٸنٸكتٸ بولىپ, اۋىلداعى ٶمٸر ساپاسىن جاقسارتۋعا ىقپال ەتۋگە تيٸس. بۇل مەسەلە بيۋدجەت قاراجاتىن ٷنەمدەۋ قاجەتتٸلٸگٸمەن دە تٸكەلەي بايلانىستى.

قاسىم-جومارت توقاەۆ سالاعا جاۋاپتى مينيسترلٸكتٸڭ دەرەكتەرٸن دە كەلتٸردٸ. ٶتكەن جىلى «اۋىل – ەل بەسٸگٸ» باعدارلاماسى اياسىندا 500-گە جۋىق اۋىلدا جالپى قۇنى 173 ميلليارد تەڭگە بولاتىن 921 جوبا جٷزەگە اسىرىلعان. سونىمەن قاتار 277 ەلدٸ مەكەندە سۋمەن جابدىقتاۋ جٷيەلەرٸ جاڭعىرتىلعان.

مەملەكەت باسشىسى اتقارىلعان جۇمىستاردىڭ ناقتى نەتيجەسٸن تەكسەرۋ قاجەت ەكەنٸن ايتتى.

«بەلكٸم, ەندٸ وسى جۇمىستىڭ ناقتى قورىتىندىسىن تەكسەرەتٸن ۋاقىت كەلگەن شىعار. جارييالانىپ جاتقان تسيفرلارعا سەنۋگە بولا ما? بۇل تاقىرىپتى نەگە كٶتەرٸپ, ەگجەي-تەگجەيلٸ زەردەلەگٸم كەلەدٸ? بۇعان دەيٸن بٸزگە ەدەمٸ, تٸپتٸ مٸنسٸز دەۋگە بولاتىن كٶرٸنٸس ۇسىنىلاتىن. شىنىمدى ايتسام, بەرٸمٸز بۇعان شىن جٷرەكتەن قۋاناتىنبىز. كەيٸن ناقتى ستاتيستيكا بەرٸلمەدٸ دەگەن سيياقتى سىلتاۋلاردى العا تارتىپ, بۇل مەسەلەنٸ كەيٸنگە قالدىرا بەردٸك. بۇدان بىلاي مۇنداي تەسٸلگە جول بەرۋگە بولمايدى», – دەدٸ پرەزيدەنت.

سونداي-اق قاسىم-جومارت توقاەۆ اۋىلداردىڭ دامۋىنا ٷلەس قوسىپ, تۇراقتى جۇمىس ورىندارىن اشاتىن كەسٸپورىنداردى قولداۋعا ەرەكشە نازار اۋدارۋ قاجەتتٸگٸن اتاپ ٶتتٸ.