ٶندٸرٸس ٸسكە قوسىلماعان: كەسٸپكەر 300 ملن تەڭگەنٸڭ عىلىمي گرانتىن جىمقىردى دەگەن كٷدٸككە ٸلٸندٸ

ٶندٸرٸس ٸسكە قوسىلماعان: كەسٸپكەر 300 ملن تەڭگەنٸڭ عىلىمي گرانتىن جىمقىردى دەگەن كٷدٸككە ٸلٸندٸ
فوتو: جي

استانادا ٶسٸمدٸك مايلارىن قايتا ٶڭدەۋگە بٶلٸنگەن عىلىمي گرانت قارجىسىن جىمقىرۋ دەرەگٸ بويىنشا تەرگەۋ جٷرٸپ جاتىر. قارجىلىق مونيتورينگ اگەنتتٸگٸنٸڭ مەلٸمەتٸنشە, جوبانى جٷزەگە اسىرۋعا "عىلىم قورى" اكتسيونەرلٸك قوعامىنان 350 ملن تەڭگەگە دەيٸن قاراجات قاراستىرىلعان, دەپ حابارلايدى dalanews.kz.

تەرگەۋ نۇسقاسىنا سەيكەس, 2023 جىلى جەكە كەسٸپكەر "ٶسٸمدٸك مايلارىن رەگەنەراتسييالاۋ جەنە تازارتۋ ٶندٸرٸسٸن ۇيىمداستىرۋ" جوباسىنا گرانت العان. الايدا بٶلٸنگەن قاراجاتتىڭ 297 ملن تەڭگەدەن استامى كەسٸپكەردٸڭ باقىلاۋىنداعى كومپانييالاردىڭ ەسەپشوتتارىنا اۋدارىلعان. تٶلەمدەر قۇجاتتاردا جابدىق, شيكٸزات, ماركەتينگ قىزمەتتەرٸ جەنە ٶزگە دە تاۋارلاردى ساتىپ الۋ رەتٸندە كٶرسەتٸلگەن.

جوبا بويىنشا توت باسپايتىن بولاتتان جاسالعان ٷش ٶندٸرٸستٸك جەلٸ ورناتىلۋعا تيٸس بولعان. بٸراق ونىڭ ورنىنا تەحنيكالىق تالاپتارعا سەيكەس كەلمەيتٸن, كٶمٸرتەكتٸ بولاتتان جاسالعان ەكٸ قوندىرعى عانا ساتىپ الىنعان. كەسٸپورىندا دايىن ٶنٸم ٶندٸرٸلمەگەن جەنە ساتىلماعان.

"جوبا اياسىندا دايىن ٶنٸمدٸ شىعارۋ جەنە ساتۋ جٷزەگە اسىرىلماعان", – دەپ مەلٸمدەدٸ قارجىلىق مونيتورينگ اگەنتتٸگٸ.

اگەنتتٸك مەلٸمەتٸنشە, گرانت قاراجاتىنىڭ بٸر بٶلٸگٸ پايدالانىلعان ٶسٸمدٸك مايىن جەتكٸزۋ اقىسى رەتٸندە ٶزارا بايلانىستى ەكٸ كومپانيياعا اۋدارىلعان. كەيٸن اقشانىڭ بەلگٸلٸ بٸر بٶلٸگٸ جەكە كەسٸپكەردٸڭ ەسەپشوتىنا قايتارىلىپ, جوبانى كەسٸپكەردٸڭ ٶز قاراجاتى ەسەبٸنەن بٸرلەسٸپ قارجىلاندىرۋى رەتٸندە رەسٸمدەلگەن. سونداي-اق قارجى اۆتوكٶلٸكتەردٸ ليزينگكە الۋ كەزٸندەگٸ باستاپقى جارنالاردى تٶلەۋگە جۇمسالعان دەگەن كٷدٸك بار.

ٸس بويىنشا جوبانىڭ ورىندالۋىن باقىلاعان «مەملەكەتتٸك عىلىمي-تەحنيكالىق ساراپتاما ۇلتتىق ورتالىعى» اكتسيونەرلٸك قوعامىنىڭ قىزمەتكەرٸ دە تەرگەلٸپ جاتىر. ول انىقتالعان زاڭبۇزۋشىلىقتاردى تەكسەرۋ اكتٸلەرٸندە كٶرسەتپەي, جوبانى ودان ەرٸ قارجىلاندىرۋدى ۇسىنعانى ٷشٸن 1,7 ملن تەڭگە كٶلەمٸندە پارا الدى دەگەن كٷدٸككە ٸلٸندٸ.

قازٸرگٸ ۋاقىتتا كەسٸپكەر مەن ورتالىق قىزمەتكەرٸ قاماۋعا الىنعان. سوت سانكتسيياسىمەن التى اۆتوكٶلٸككە, پەتەرگە جەنە ٶندٸرٸستٸك جابدىقتارعا تىيىم سالىندى.

قىلمىستىق ٸس بويىنشا تەرگەۋ جالعاسىپ جاتىر.