Óndiris iske qosylmaǵan: kásipker 300 mln teńgeniń ǵylymi grantyn jymqyrdy degen kúdikke ilindi

Óndiris iske qosylmaǵan: kásipker 300 mln teńgeniń ǵylymi grantyn jymqyrdy degen kúdikke ilindi
Foto: JI

Astanada ósimdik mailaryn qaita óńdeýge bólingen ǵylymi grant qarjysyn jymqyrý deregi boiynsha tergeý júrip jatyr. Qarjylyq monitoring agenttiginiń málimetinshe, jobany júzege asyrýǵa "Ǵylym qory" aktsionerlik qoǵamynan 350 mln teńgege deiin qarajat qarastyrylǵan, dep habarlaidy dalanews.kz.

Tergeý nusqasyna sáikes, 2023 jyly jeke kásipker "Ósimdik mailaryn regeneratsiialaý jáne tazartý óndirisin uiymdastyrý" jobasyna grant alǵan. Alaida bólingen qarajattyń 297 mln teńgeden astamy kásipkerdiń baqylaýyndaǵy kompaniialardyń esepshottaryna aýdarylǵan. Tólemder qujattarda jabdyq, shikizat, marketing qyzmetteri jáne ózge de taýarlardy satyp alý retinde kórsetilgen.

Joba boiynsha tot baspaityn bolattan jasalǵan úsh óndiristik jeli ornatylýǵa tiis bolǵan. Biraq onyń ornyna tehnikalyq talaptarǵa sáikes kelmeitin, kómirtekti bolattan jasalǵan eki qondyrǵy ǵana satyp alynǵan. Kásiporynda daiyn ónim óndirilmegen jáne satylmaǵan.

"Joba aiasynda daiyn ónimdi shyǵarý jáne satý júzege asyrylmaǵan", – dep málimdedi Qarjylyq monitoring agenttigi.

Agenttik málimetinshe, grant qarajatynyń bir bóligi paidalanylǵan ósimdik maiyn jetkizý aqysy retinde ózara bailanysty eki kompaniiaǵa aýdarylǵan. Keiin aqshanyń belgili bir bóligi jeke kásipkerdiń esepshotyna qaitarylyp, jobany kásipkerdiń óz qarajaty esebinen birlesip qarjylandyrýy retinde rásimdelgen. Sondai-aq qarjy avtokólikterdi lizingke alý kezindegi bastapqy jarnalardy tóleýge jumsalǵan degen kúdik bar.

Is boiynsha jobanyń oryndalýyn baqylaǵan «Memlekettik ǵylymi-tehnikalyq saraptama ulttyq ortalyǵy» aktsionerlik qoǵamynyń qyzmetkeri de tergelip jatyr. Ol anyqtalǵan zańbuzýshylyqtardy tekserý aktilerinde kórsetpei, jobany odan ári qarjylandyrýdy usynǵany úshin 1,7 mln teńge kóleminde para aldy degen kúdikke ilindi.

Qazirgi ýaqytta kásipker men ortalyq qyzmetkeri qamaýǵa alynǵan. Sot sanktsiiasymen alty avtokólikke, páterge jáne óndiristik jabdyqtarǵa tyiym salyndy.

Qylmystyq is boiynsha tergeý jalǵasyp jatyr.