Aqtóbede óz úiinde oqqa ushyp, qaza tapqan kásipker Aibolat Jisovtiń uly Ánýar Tobaniiaz ákesine arnap júrek tebirenterlik jazba jariialady. Ol marqumnyń sońǵy sátine deiin otbasyn qorǵaýǵa tyrysqanyn aitty, dep habarlaidy dalanews.kz.
Ánýar Tobaniiaz áleýmettik jelidegi paraqshasynda ákesiniń ómirlik ustanymyn, otbasyna degen qamqorlyǵyn jáne ózine bergen tárbiesin eske alǵan.
Onyń aitýynsha, ákesi qandai qiyndyq bolsa da moiymaýdy, ómirdiń ár sátin baǵalaýdy úiretken.
«Ákem men úshin árqashan úlgi tutar eń asyl jan boldy. Ol maǵan qiyndyqqa moiymaýdy, taǵdyrdyń soqqysyna tótep berýdi jáne ómirdiń ár sátin baǵalaýdy úiretti. Eń aýyr sátte de otbasyn qorǵaý úshin óz ómirin qidy», – dep jazdy kásipkerdiń uly.
Sondai-aq ol ákesiniń jarqyn beinesi men jasaǵan jaqsylyqtary eshqashan umytylmaitynyn jetkizdi.
«Áke, Siz men úshin árqashan batyr bolyp qalasyz. Arystandai ómir súrip, arystandai kettińiz. Sizdiń jaqsylyǵyńyz ben igi isterińiz eshqashan umytylmaidy», – dedi Ánýar Tobaniiaz.
Marqumnyń uly jariialaǵan jazbadan keiin áleýmettik jeli qoldanýshylary otbasy múshelerine kóńil aityp, qaiǵylaryna ortaqtasqan.
Aqtóbede kásipker qalai qaza tapty?
Eske sala keteiik, qaiǵyly oqiǵa 16 qarasha kúni Aqtóbe qalasynda bolǵan.
Janarmai quiý beketteri jelisiniń basshysy Aibolat Jisov óz úiinde atys saldarynan qaza tapqan.
Aldyn ala taraǵan aqparatqa sáikes, kásipkerge shabýyl jasaǵan adam onyń kóligi men baǵaly zattaryn alyp ketken.
Atalǵan qylmysqa kúdikti retinde marqumnyń kórshisi ustalǵany habarlandy.
Qazirgi ýaqytta quqyq qorǵaý organdary oqiǵanyń barlyq mán-jaiyn anyqtaý úshin tergeý jumystaryn júrgizip jatyr.
Kúdiktiniń kinásine qatysty túpkilikti sheshimdi sot qabyldaidy.