Aqmola oblysynda júk poiyzy temirjol ústinde otyrǵan er adamdy qaǵyp ketti

Aqmola oblysynda júk poiyzy temirjol ústinde otyrǵan er adamdy qaǵyp ketti
ji: dalanews

Aqmola oblysynyń Shortandy aýdanynda júk poiyzy temirjol ústinde otyrǵan er adamdy qaǵyp ketti. Er adam oqiǵa ornynda kóz jumdy, dep habarlaidy dalanews.kz.

Qaiǵyly jaǵdai beisenbi kúni kúndiz Shortandy jáne Damsa aýyldarynyń arasyndaǵy temirjol ýchaskesinde bolǵan. Aldyn ala málimet boiynsha, oqiǵa temirjoldyń 428-shaqyrymynda tirkelgen.

47 vagonnan turatyn júk poiyzy shamamen saǵatyna 64 shaqyrym jyldamdyqpen kele jatqan. Mashinistiń aitýynsha, lokomotivten shamamen 300 metr qashyqtyqta temirjol relsiniń ústinde otyrǵan adamdy baiqaǵan. Ol shuǵyl tejeý júiesin iske qosqanymen, soqtyǵysýdyń aldyn alý múmkin bolmaǵan.

Soqqy saldarynan er adam aýyr jaraqat alyp, oqiǵa ornynda qaitys boldy. Oqiǵadan keiin júk poiyzy toqtaǵan.

Keiin marqumnyń Shortandy aýylynyń turǵyny ekeni anyqtalǵan. Onyń temirjolǵa qandai jaǵdaida shyqqany jáne mashinistiń eskertýine ne sebepti áreket etpegeni ázirge belgisiz.

Qazir oqiǵanyń mán-jaiy anyqtalyp jatyr. Tergeý júrgizilip jatyr.