2027 جىلدان باستاپ دەرٸگەرلەردٸڭ جالاقىسى قالاي ٶزگەرەدٸ?

2027 جىلدان باستاپ دەرٸگەرلەردٸڭ جالاقىسى قالاي ٶزگەرەدٸ?
فوتو: جي

2027 جىلعى 1 قاڭتاردان باستاپ قازاقستانداعى مەديتسينالىق-سانيتارييالىق العاشقى كٶمەك ۇيىمدارىنىڭ ۋچاسكەلٸك قىزمەت ماماندارىنا جاڭا قوسىمشا اقى تٶلەۋ جوسپارلانىپ وتىر. ونىڭ مٶلشەرٸ قىزمەتكەردٸڭ ٷزدٸكسٸز ەڭبەك ٶتٸلٸنە بايلانىستى ەسەپتەلەدٸ, دەپ حابارلايدى dalanews.kz.

دەنساۋلىق ساقتاۋ مينيسترلٸگٸ ەزٸرلەگەن ٷكٸمەت قاۋلىسىنىڭ جوباسىنا سەيكەس, العاشقى مەديتسينالىق كٶمەك ۇيىمدارىندا ەكٸ جىلدان استام ٷزدٸكسٸز جۇمىس ٸستەگەن ماماندارعا لاۋازىمدىق ايلىقاقىنىڭ 20 پايىزى, ٷش جىلدان اسقان جاعدايدا 30 پايىزى, ال بەس جىلدان استام ەڭبەك ٶتٸلٸ بار قىزمەتكەرلەرگە 50 پايىزى كٶلەمٸندە قوسىمشا اقى تٶلەۋ ۇسىنىلعان.

بۇل ٶزگەرٸس ەلدەگٸ بارلىق دەرٸگەرگە بٸردەي قاتىستى ەمەس. جاڭا تٶلەم ۋچاسكەلٸك تەراپەۆت, پەدياتر جەنە جالپى پراكتيكا دەرٸگەرلەرٸنە, سونداي-اق ۋچاسكەلٸك, پاتروناجدىق جەنە مەكتەپ مەيٸرگەرلەرٸنە, فەلدشەرلەر مەن اكۋشەرلەرگە قاراستىرىلعان. جالپى العاندا, شارا 77 مىڭنان استام مەديتسينا قىزمەتكەرٸن قامتىماق. 

مينيسترلٸكتٸڭ الدىن الا ەسەبٸنشە, اۋىلدىق جەرلەردە ەڭبەك ٶتٸلٸ جوعارى جالپى پراكتيكا دەرٸگەرٸنٸڭ جالاقىسى قازٸرگٸ 534 مىڭ تەڭگەدەن 760 مىڭ تەڭگەگە دەيٸن ٶسۋٸ مٷمكٸن. ال ورتا مەديتسينا قىزمەتكەرٸنٸڭ ايلىعى 284 مىڭ تەڭگەدەن 401 مىڭ تەڭگەگە دەيٸن كٶتەرٸلۋٸ مٷمكٸن.

قالالاردا تەجٸريبەسٸ مول جالپى پراكتيكا دەرٸگەرٸنٸڭ جالاقىسى 425 مىڭ تەڭگەدەن 607 مىڭ تەڭگەگە دەيٸن, ال ورتا مەديتسينا قىزمەتكەرٸنٸڭ تابىسى 224 مىڭ تەڭگەدەن 318 مىڭ تەڭگەگە دەيٸن ارتادى دەپ بولجانىپ وتىر.

ەڭبەك ٶتٸلٸ از مامانداردىڭ دا ايلىعى كٶتەرٸلەدٸ. اۋىلدىق جەرلەردە جالپى پراكتيكا دەرٸگەرٸنٸڭ جالاقىسى 386 مىڭ تەڭگەدەن 450 مىڭ تەڭگەگە دەيٸن, ورتا مەديتسينا قىزمەتكەرٸنٸڭ ايلىعى 221 مىڭ تەڭگەدەن 256 مىڭ تەڭگەگە دەيٸن ٶسۋٸ مٷمكٸن. قالالاردا دەرٸگەرلەردٸڭ جالاقىسى 307 مىڭ تەڭگەدەن 358 مىڭ تەڭگەگە, ال ورتا مەديتسينا قىزمەتكەرلەرٸنٸڭ تابىسى 173 مىڭ تەڭگەدەن 202 مىڭ تەڭگەگە دەيٸن ۇلعايۋى ىقتيمال. 

ال العاشقى مەديتسينالىق كٶمەك ۇيىمدارىندا جۇمىس ٸستەيتٸن پسيحولوگتارعا بازالىق لاۋازىمدىق ايلىقاقىنىڭ 300 پايىزى, ەلەۋمەتتٸك قىزمەتكەرلەرگە 200 پايىزى مٶلشەرٸندە پسيحوەموتسييالىق جەنە فيزيكالىق جٷكتەمە ٷشٸن قوسىمشا اقى بەلگٸلەۋ ۇسىنىلعان.

ٷكٸمەت بۇعان دەيٸن ۋچاسكەلٸك قىزمەت ماماندارىنىڭ جالپى تابىسى ٷزدٸكسٸز ەڭبەك ٶتٸلٸنە قاراي 40 پايىزعا دەيٸن ٶسەتٸنٸن حابارلاعان. ال قاۋلى جوباسىندا قوسىمشا اقىنىڭ ەڭ جوعارى مٶلشەرٸ لاۋازىمدىق ايلىقاقىنىڭ 50 پايىزى رەتٸندە كٶرسەتٸلگەن. مۇنداعى 50 پايىز قىزمەتكەردٸڭ تولىق جالاقىسىنا ەمەس, تەك لاۋازىمدىق ايلىقاقىسىنا ەسەپتەلەدٸ. سوندىقتان ماماننىڭ قولىنا الاتىن جالپى تابىسى شامامەن 40 پايىزعا دەيٸن ارتۋى مٷمكٸن. 

ايتا كەتەيٸك, ۇسىنىلعان ٶزگەرٸستەر ەزٸرگە تٷپكٸلٸكتٸ بەكٸتٸلگەن جوق. قاۋلى جوباسى "اشىق نقا" پورتالىندا جارييا تالقىلاۋدان ٶتٸپ جاتىر. تالقىلاۋ 2026 جىلعى 7 جەلتوقسانعا دەيٸن جالعاسادى.