Toqaev bankterdi sharýalarǵa uzaq merzimdi nesie berýge shaqyrdy

Toqaev bankterdi sharýalarǵa uzaq merzimdi nesie berýge shaqyrdy
Foto: Aqorda

Prezident Qasym-Jomart Toqaev bankter aýyl sharýashylyǵy salasyndaǵy kásipkerlerge qolaily sharttarmen uzaq merzimdi nesie berýi kerek ekenin jetkizdi, dep habarlaidy dalanews.kz.

Memleket basshysynyń sózinshe, qaryzdy óteý kestesi egin jinaý naýqanyna beiimdelýge tiis. Al investitsiialyq jobalardy qarjylandyrý kezinde sharýalarǵa negizgi qaryzdy tóleýdi keiinge qaldyrý múmkindigin qarastyrǵan jón.

"Fermerler kredittiń alǵashqy tólemin jabý úshin eginin jinap bola sala, ónimin arzan baǵaǵa satyp jiberýge májbúr. Buǵan jol berýge bolmaidy", – dedi Prezident.

Qasym-Jomart Toqaev Úkimet pen Aýyl sharýashylyǵy ministrligine sharýalardy nesieleý sharttaryn jetildirip, atalǵan máseleni sheshýdi tapsyrdy.