Qazaqstanda memlekettik qyzmetshilerden esirtki men psihotrop zattardy tekserý tártibi bekitildi. Qyzmetkerden esirtki qoldanýdyń keminde úsh belgisi baiqalsa, ol meditsinalyq tekseriske jiberiledi, dep habarlaidy dalanews.kz.
Jańa erejege sai qyzmetkerdiń minez-qulqyn jumys ýaqytynda kadr qyzmeti men tikelei basshysy baqylaidy. Esirtki qoldaný belgilerine minez-qulyq kúrt ózgerýi, jumysqa jii kelmeý nemese keshigý, denedegi ine izderi, sóileý men qimyl úilesimi buzylýy, mazasyzdyq pen eles kórý jatady.
Bul belgiler esirtki qoldanǵanyn dáleldemeidi, tek meditsinalyq tekseriske jiberý týraly sheshim qabyldaýǵa negiz bolady.
Keminde úsh belgi anyqtalsa, kadr qyzmeti memlekettik organ basshysyna habarlaidy. Ol bir jumys kúni ishinde sheshim qabyldap, qyzmetkerge 48 saǵat ishinde tekseriske joldama beriledi. Qyzmetker tekseristen eki jumys kúni ishinde ótýge tiis.
Esirtki qoldanǵany rastalsa, málimet Memlekettik qyzmet isteri agenttigi men politsiiaǵa jiberiledi. Sondai-aq, qyzmetkerdi tártiptik jaýapkershilikke tartý máselesi qaralady. Tekseristen bas tartqan nemese jaltarǵan qyzmetkerdiń áreketi tirkelip, qujaty jeke isine tirkeledi.
Buiryq 29 qarashada kúshine enedi.