Qazaqstanda jekemenshik mektepterdi memlekettik qarjylandyrý júiesi qaita qaraldy. Jańa oqý jylynan bastap memlekettik bilim berý tapsyrysy tsifrlyq formatqa kóshirilip, sonyń nátijesinde biýdjetten 60 mlrd teńge únemdelgen. Bul týraly Oqý-aǵartý vitse-ministri Jaiyq Sharabasov málimdedi, dep habarlaidy dalanews.kz.
Vitse-ministrdiń aitýynsha, endi jekemenshik mektepterdi qarjylandyrý Qarjy ministrliginiń e-Qazyna platformasy arqyly júzege asyrylady. Júieni tsifrlandyrý oqýshylardy eki ret esepke alý táýekelderin joiýǵa múmkindik bergen.
Sonymen qatar memleket jekemenshik bilim berý uiymdaryn qarjylandyrýdy jalǵastyrady. Aldaǵy úsh jylǵa biýdjette osy maqsatqa 700 mlrd teńgeden astam qarajat qarastyrylǵan. Onyń 245 mlrd teńgesi 2026 jylǵa bólingen.
Birinshi jartyjyldyqta 749 jekemenshik mektep jalpy somasy 128 mlrd teńge kóleminde qarjylandyrý alǵan.