Taiaý Shyǵystaǵy shabýyldardan keiin munai baǵasy qubyldy

Taiaý Shyǵystaǵy shabýyldardan keiin munai baǵasy qubyldy
Foto: JI

20 qarashada Taiaý Shyǵystaǵy ahýaldyń qaita ýshyǵýy álemdik munai naryǵyna áser etti. Tańerteń Brent markaly munaidyń baǵasy barreline 92,77 dollarǵa deiin kóterildi, dep habarlaidy dalanews.kz.

Buǵan Taiaý Shyǵystaǵy jaǵdaidyń shielenisýi sebep boldy. Hýsitter Saýd Arabiiasynyń astanasy Er-Riiadqa zymyranmen soqqy jasaǵan. Sonymen qatar Ormýz buǵazynda munai tasymaldaityn tankerlerge shabýyl jasalǵany týraly aqparat tarady.

Iran áskerileriniń málimdeýinshe, eki tanker teńiz minalaryna soǵylyp, órtengen. Degenmen bul derek ázirge táýelsiz derekkózder tarapynan rastalǵan joq.

Naryqtaǵy qymbattaý uzaqqa sozylmady. Astana ýaqytymen saǵat 14:00-de Brent baǵasy 91,03 dollarǵa deiin tómendedi. Al amerikalyq WTI munaiy barreline 81,81 dollardan satyldy.

Reuters boljamynsha, Brent baǵasy úshinshi apta qatarynan tómendeýi múmkin.