Resei áskeri Kievti atqylap jatyr

Resei áskeri Kievti atqylap jatyr
ashyq derekkóz, kórneki sýret

Resei Qorǵanys ministrligi Ýkrainaǵa qatysty keiingi málimetti jariialady. Vedomstvo dereginshe, túngi soqqy kezinde Ýkrainadaǵy birqatar kópirge, óndiris ornyna jáne energetikalyq nysanǵa zaqym kelgen, dep habarlaidy dalanews.kz.

Ministrlik málimetinshe, Kievte avtomobil joldary men avtomobil jáne temirjolǵa ortaq kópirlerge soqqy jasalǵan. Sondai-aq, Odessa oblysyndaǵy áskeri júkterdi tranzitpen tasymaldaýǵa paidalanylatyn "Zatoka" kópiri nysanaǵa alynǵan.

Budan bólek, Lvovtaǵy aviatsiia zaýyty men Kiev oblysyndaǵy Memlekettik untaqty metallýrgiia zaýytyna soqqy jasalǵan. Kiev pen Kiev oblysynda ushqyshsyz ushý apparattaryn shyǵaratyn kásiporyndar men Fire Point kompaniiasynyń nysandary da soqqy astynda qalǵan.

Resei Qorǵanys ministrligi túngi shabýyl kezinde Chernigov jáne Dnepropetrovsk oblystaryndaǵy elektr qosalqy stantsiialary, Ivano-Frankovsk oblysyndaǵy "Býrshtyn" jylý elektr stantsiiasy jáne Lvov oblysyndaǵy "Batys Ýkraina" qosalqy stantsiiasy soqqyǵa ushyraǵanyn málimdedi.