JPMorgan, Visa jáne Mastercard klientteriniń derekteri hakerlerdiń qolyna tústi

JPMorgan, Visa jáne Mastercard klientteriniń derekteri hakerlerdiń qolyna tústi
JI: Dalanews.kz

Hakerler toby JPMorgan Chase, Visa jáne Mastercard kompaniialarynyń klientterine qatysty derekterdi urlaǵanyn málimdedi. Jeke aqparattar internette ashyq jariialanǵan. Olardyń arasynda elektrondy poshta mekenjailary men bailanys nómirleri bar, dep habarlaidy dalanews.kz.

Reuters agenttiginiń habarlaýynsha, jariialanǵan faildardan JPMorgan Chase bankiniń 16 myńnan astam klientiniń elektrondy poshta mekenjaiy tabylǵan. Keibir jazbalarda telefon nómirleri men poshta indeksteri de bolǵan.

JPMorgan ókilderi banktiń ishki júieleri qalypty rejimde jumys istep turǵanyn málimdedi. Sondai-aq derekteri qaýipke ushyraýy múmkin klienttermen bailanysqa shyǵatynyn habarlady.

Aldyn ala málimet boiynsha, jariialanǵan aqparattardyń arasynda bank kartalarynyń derekteri joq. Sondai-aq hakerlerdiń banktik shottarǵa nemese tólem infraqurylymyna qol jetkizgenin rastaityn málimet anyqtalmaǵan.

Osylaisha, ázirge klientterdiń bank shottaryndaǵy qarajatqa tikelei qaýip tóngeni týraly aqparat joq. Degenmen jeke bailanys derekteriniń jariialanýy alaiaqtyq áreketterge, sonyń ishinde jalǵan habarlamalar men fishingtik shabýyldarǵa paidalanylýy múmkin.