Astanada áleýmettik mańyzy bar azyq-túlik taýarlarynyń baǵasyna baqylaý kúsheitildi. Endi belgilengen saýda ústemesin alǵash ret asyrǵan kásipkerlerge eskertý jasalmai, birden aiyppul salynady, dep habarlaidy dalanews.kz.
"Saýda qyzmetin retteý týraly" zańǵa sáikes, áleýmettik mańyzy bar azyq-túlikke qosylatyn ústeme óndirýshiniń satý baǵasynyń nemese jetkizý shartynda kórsetilgen kóterme satyp alý qunynyń 15 paiyzynan aspaýǵa tiis.
Talapty alǵash ret buzǵandarǵa salynatyn aiyppul mólsheri kásipkerlik sýbektisiniń sanatyna qarai belgilengen:
- jeke tulǵalar men shaǵyn bizneske - 5 AEK;
- orta kásipkerlik sýbektilerine - 35 AEK;
- iri kásipkerlik sýbektilerine - 150 AEK.
Eger zańbuzýshylyq bir jyl ishinde qaitalansa, aiyppul tiisinshe 10, 70 jáne 300 AEK-ke deiin ósedi.
Resmi málimet boiynsha, jyl basynan beri elordada saýda salasyndaǵy zańbuzýshylyqtarǵa bailanysty 162 ákimshilik is qozǵalǵan. Onyń 135-i áleýmettik mańyzy bar ónimderge qosylatyn ústemeniń shekti mólsherin asyrýǵa qatysty. Jalpy somasy shamamen 3,3 mln teńge aiyppul salynǵan. Buǵan qosa, 60-tan astam kásipkerdiń azyq-túlikke 15 paiyzdan artyq ústeme qosqany anyqtaldy.