استانادا ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىنا باقىلاۋ كٷشەيتٸلدٸ. ەندٸ بەلگٸلەنگەن ساۋدا ٷستەمەسٸن العاش رەت اسىرعان كەسٸپكەرلەرگە ەسكەرتۋ جاسالماي, بٸردەن ايىپپۇل سالىنادى, دەپ حابارلايدى dalanews.kz.
"ساۋدا قىزمەتٸن رەتتەۋ تۋرالى" زاڭعا سەيكەس, ەلەۋمەتتٸك ماڭىزى بار ازىق-تٷلٸككە قوسىلاتىن ٷستەمە ٶندٸرۋشٸنٸڭ ساتۋ باعاسىنىڭ نەمەسە جەتكٸزۋ شارتىندا كٶرسەتٸلگەن كٶتەرمە ساتىپ الۋ قۇنىنىڭ 15 پايىزىنان اسپاۋعا تيٸس.
تالاپتى العاش رەت بۇزعاندارعا سالىناتىن ايىپپۇل مٶلشەرٸ كەسٸپكەرلٸك سۋبەكتٸسٸنٸڭ ساناتىنا قاراي بەلگٸلەنگەن:
- جەكە تۇلعالار مەن شاعىن بيزنەسكە - 5 اەك;
- ورتا كەسٸپكەرلٸك سۋبەكتٸلەرٸنە - 35 اەك;
- ٸرٸ كەسٸپكەرلٸك سۋبەكتٸلەرٸنە - 150 اەك.
ەگەر زاڭبۇزۋشىلىق بٸر جىل ٸشٸندە قايتالانسا, ايىپپۇل تيٸسٸنشە 10, 70 جەنە 300 اەك-كە دەيٸن ٶسەدٸ.
رەسمي مەلٸمەت بويىنشا, جىل باسىنان بەرٸ ەلوردادا ساۋدا سالاسىنداعى زاڭبۇزۋشىلىقتارعا بايلانىستى 162 ەكٸمشٸلٸك ٸس قوزعالعان. ونىڭ 135-ٸ ەلەۋمەتتٸك ماڭىزى بار ٶنٸمدەرگە قوسىلاتىن ٷستەمەنٸڭ شەكتٸ مٶلشەرٸن اسىرۋعا قاتىستى. جالپى سوماسى شامامەن 3,3 ملن تەڭگە ايىپپۇل سالىنعان. بۇعان قوسا, 60-تان استام كەسٸپكەردٸڭ ازىق-تٷلٸككە 15 پايىزدان ارتىق ٷستەمە قوسقانى انىقتالدى.