30 جاستاعى الماتىلىق لەززات جاراستىڭ وتباسىندا قۋانىش ٷش ەسەلەندٸ! 6 قاراشادا الماتى قالاسىنداعى №1 قالالىق پەريناتالدىق ورتالىقتا ول ٷش قىزدى دٷنيەگە ەكەلدٸ. سەبيلەر جٷكتٸلٸكتٸڭ 34-اپتاسىندا, مەرزٸمٸنەن بۇرىن, شۇعىل كەسار تٸلٸگٸ ارقىلى دٷنيەگە كەلدٸ, دەپ حابارلايدى dalanews.kz.
كٶپۇرىقتى جٷكتٸلٸك پەن مەديتسينالىق كٶرسەتكٸشتەردٸ ەسكەرە وتىرىپ, دەرٸگەرلەر شۇعىل بوساندىرۋ تۋرالى شەشٸم قابىلداعان. وتا سەتتٸ ٶتتٸ. نەبەرٸ بٸر مينۋت ايىرماشىلىقپەن ٷش سەبي ٶمٸرگە كەلدٸ:
- ساعات 03:03-تە - بٸرٸنشٸ قىز, سالماعى 2073 گرامم.
- ساعات 03:04-تە - ەكٸنشٸ قىز, سالماعى 1723 گرامم.
- ساعات 03:05-تە - ٷشٸنشٸ قىز, سالماعى 2431 گرامم.
اتا-اناسى قىزدارىنا ەلسييا, ايۋمي جەنە ايلا دەگەن ەسٸمدەر قويدى.
مەرزٸمٸنەن بۇرىن دٷنيەگە كەلگەندٸكتەن, سەبيلەرگە نەوناتولوگ دەرٸگەرلەردٸڭ كٶمەگٸ قاجەت بولدى. ٶمٸرلەرٸنٸڭ العاشقى كٷندەرٸن ولار جاڭا تۋعان نەرەستەلەردٸڭ رەانيماتسييا جەنە قارقىندى تەراپييا بٶلٸمٸندە ٶتكٸزدٸ. 12 قاراشادان باستاپ قىزدار جاڭا تۋعان نەرەستەلەر بٶلٸمٸنە اۋىستىرىلدى.
بۇل - 2026 جىلدىڭ باسىنان بەرٸ الماتى قالاسىنداعى №1 قالالىق پەريناتالدىق ورتالىقتا دٷنيەگە كەلگەن بەسٸنشٸ ٷشەم.
بۇل وقيعانىڭ تاعى بٸر تاڭعالارلىق تۇسى بار. لەززات ٷشەم كٷتٸپ جٷرگەنٸن قىزدارى دٷنيەگە كەلگەنگە دەيٸن ەشكٸمگە ايتپاعان. ال ٷيدە ونى تاعى ٷش بالاسى - بٸر ۇلى مەن ەكٸ قىزى كٷتٸپ وتىر.