دانييار مەيرحانعا قاتىستى سوت ٷكٸمٸ شىقتى

دانييار مەيرحانعا قاتىستى سوت ٷكٸمٸ شىقتى
gov.kz

استانادا ٸشكٸ ٸستەر مينيسترلٸگٸنە قاراستى ەسٸرتكٸ قىلمىسىنا قارسى ٸس-قيمىل كوميتەتٸنٸڭ بۇرىنعى تٶراعاسى دانييار مەيرحانعا قاتىستى سوت ٷكٸمٸ شىقتى. ول جىنىستىق قاتىناسقا مەجبٷرلەۋ بابى بويىنشا كٸنەلٸ دەپ تانىلىپ, ايىپپۇل تٶلەۋگە مٸندەتتەلدٸ. ٸشكٸ ٸستەر مينيسترلٸگٸ بۇرىنعى باسشىعا قاتىستى بۇدان كەيٸن قانداي شارا قابىلداناتىنىن تٷسٸندٸردٸ, دەپ حابارلايدى dalanews.kz.

19 قاراشادا استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتى دانييار مەيرحاندى قىلمىستىق كودەكستٸڭ 123-بابىنىڭ 1-بٶلٸگٸ, ياعني «جىنىستىق قاتىناسقا مەجبٷرلەۋ» بابى بويىنشا كٸنەلٸ دەپ تانىدى.

سوت وعان 1 500 ايلىق ەسەپتٸك كٶرسەتكٸش (اەك) مٶلشەرٸندە, ياعني 6 ميلليون 487 مىڭ 500 تەڭگە ايىپپۇل تاعايىندادى.

استانا قالالىق سوتىنىڭ باسپاسٶز قىزمەتٸ ٸستٸڭ جابىق سوت وتىرىسىندا قارالعانىن حابارلادى. سونداي-اق ٷكٸمنٸڭ ەلٸ زاڭدى كٷشٸنە ەنبەگەنٸن مەلٸمدەدٸ. بۇل وقيعا 2026 جىلدىڭ سەۋٸرٸندە قوعامعا بەلگٸلٸ بولدى. سول كەزدە ەلەۋمەتتٸك جەلٸلەردە دانييار مەيرحاننىڭ ٷستٸنەن قىزمەتكەرلەر شاعىم تٷسٸرگەنٸ تۋرالى اقپارات تاراعان ەدٸ.

جارييالانىم اۆتورلارى پوليتسييا باسشىسىن قىزمەتتٸك ٶكٸلەتتٸگٸن اسىرا پايدالاندى جەنە قىزمەتكەر ەيەلگە تيٸسٸپ, قىسىم كٶرسەتتٸ دەپ كٷدٸكتەنگەنٸن جازدى. سونداي-اق ونىڭ 20 باعىنىستى قىزمەتكەرٸ ۇجىمدىق ارىز تٷسٸرگەنٸ حابارلاندى.

ٸشكٸ ٸستەر مينيسترلٸگٸ قىزمەتكەرلەردەن شاعىم تٷسكەنٸن راستادى. 8 سەۋٸردە ٸشكٸ ٸستەر مينيسترٸنٸڭ ورىنباسارى سانجار ەدٸلوۆ ۆەدومستۆونىڭ سوتقا دەيٸنگٸ تەرگەپ-تەكسەرۋ جٷرگٸزٸپ جاتقانىن مەلٸمدەدٸ. تەكسەرۋ اياقتالعانعا دەيٸن مەيرحان قىزمەتٸنەن شەتتەتٸلدٸ.

كەيٸن, 2026 جىلدىڭ مامىرىندا ٸٸم قىلمىستىق كودەكستٸڭ 115-1-بابى, ياعني «ستالكينگ» بويىنشا مەيرحانعا قاتىستى قوزعالعان قىلمىستىق ٸستٸڭ توقتاتىلعانىن حابارلادى.