قوستانايدا اقتاۋ ماڭىنداعى AZAL ۇشاعىنىڭ اپاتىنان كٶز جۇمعان ساليمات جۇتاەۆانىڭ قابٸرٸ بٸرنەشە رەت ۇرىلاردىڭ نىساناسىنا اينالعان. مارقۇمنىڭ تۋىستارى ورناتقان بەينەباقىلاۋ كامەراسىن دا بەلگٸسٸز بٸرەۋلەر ۇرلاپ كەتكەن, دەپ dalanews.kz تٸلشٸسٸ 31 ارناعا سٸلتەمە جاساپ حابارلايدى.
مارقۇمنىڭ اناسى ۇلتۋعان جۇتاەۆا زيراتتاعى ۇرلىق ەرەكەتتەرٸنە بايلانىستى جۋرناليستەرگە قايتا جٷگٸنۋگە مەجبٷر بولعان. ونىڭ ايتۋىنشا, قىزىنىڭ قابٸرٸنە وتىرعىزىلعان گٷلدەر مەن سەندٸك بۇتالار بٸرنەشە رەت قولدى بولعان.
تٸپتٸ بٸر جولى بەلگٸسٸز ادامدار زيرات باسىنداعى مەرمەر ورىندىقتى دا الىپ كەتپەك بولعان. الايدا تۋىستارى دەر كەزٸندە بايقاپ, ونىڭ ۇرلانۋىنا جول بەرمەگەن. وسىنداي جاعدايلار قايتالانا بەرگەن سوڭ وتباسى قابٸر باسىنا بەينەباقىلاۋ كامەراسىن ورناتۋدى ۇيعارعان. بٸراق ۇرىلار كامەرانىڭ ٶزٸن دە جۇلىپ الىپ كەتكەن.
"بٸز بۇل جەردٸ قورعاۋ ٷشٸن بەينەكامەرا ورناتتىق. ۇرىلاردى توقتاتادى دەپ ويلادىق. بٸراق ولار كامەرانى تٷبٸمەن جۇلىپ ەكەتكەن. ابىروي بولعاندا, پوليتسييا كٷدٸكتٸنٸ تاپتى. سول ادامنىڭ كٶزٸنە قاراپ, مۇنداي ەرەكەتكە نە ٷشٸن بارعانىن سۇراعىم كەلەدٸ. بۇل جەردە ەشقانداي قورشاۋ جوق, ەشتەڭە قورعالماعان", – دەيدٸ مارقۇمنىڭ اناسى.
قوستاناي وبلىستىق پوليتسييا دەپارتامەنتٸنٸڭ مەلٸمەتٸنشە, وقيعاعا قاتىسى بولۋى مٷمكٸن ادام انىقتالعان.
"پوليتسييا قىزمەتكەرلەرٸ اتالعان دەرەككە قاتىسى بولۋى ىقتيمال تۇلعانى انىقتادى. قازٸرگٸ ۋاقىتتا وقيعانىڭ بارلىق مەن-جايىن انىقتاۋعا باعىتتالعان قاجەتتٸ تەرگەۋ شارالارى جٷرگٸزٸلٸپ جاتىر", – دەدٸ كريمينالدىق پوليتسييا باسقارماسىنىڭ اعا جەدەل ۋەكٸلٸ ايري تەمٸرعاليەۆا.
ال قوستاناي اۋدانىنىڭ ەكٸمدٸگٸ زيرات اۋماعىن اباتتاندىرۋعا ەزٸرگە قاراجات بٶلٸنبەگەنٸن حابارلادى.
اۋداندىق تۇرعىن ٷي-كوممۋنالدىق شارۋاشىلىق بٶلٸمٸنٸڭ باسشىسى دەنيس پەترۋحنونىڭ ايتۋىنشا, اۋداندىق جەنە وبلىستىق بيۋدجەتتەن قارجى بٶلۋ تۋرالى ٶتٸنٸمدەر ۇسىنىلعانىمەن, ولار ماقۇلدانباعان. ەندٸ بۇل مەسەلەنٸ 2027 جىلعى بيۋدجەت اياسىندا قايتا قاراستىرۋ جوسپارلانىپ وتىر.
مارقۇمنىڭ وتباسى قۇزىرلى ورگانداردان زيراتتاعى قاۋٸپسٸزدٸكتٸ قامتاماسىز ەتۋدٸ جەنە مۇنداي وقيعالاردىڭ قايتالانۋىنا جول بەرمەۋدٸ تالاپ ەتٸپ وتىر.
ەسكە سالا كەتەيٸك, Azerbaijan Airlines (AZAL) ەۋە كومپانيياسىنىڭ ۇشاعى 2024 جىلعى 25 جەلتوقساندا اقتاۋ ماڭىندا اپاتقا ۇشىراعان بولاتىن.