التى بالاسى بار ەيەلگە جالعان ٷيلەنگەن: ۇلتتىق ۇلاننىڭ بۇرىنعى پولكوۆنيگٸ شارتتى جازا الدى

التى بالاسى بار ەيەلگە جالعان ٷيلەنگەن: ۇلتتىق ۇلاننىڭ بۇرىنعى پولكوۆنيگٸ شارتتى جازا الدى
pixabay.com

اقتٶبە گارنيزونىنىڭ ەسكەري سوتى ۇلتتىق ۇلاننىڭ بۇرىنعى پولكوۆنيگٸن تۇرعىن ٷي ٶتەماقىسىن زاڭسىز الۋ ارقىلى الاياقتىق جاساعانى ٷشٸن سوتتادى. مەملەكەتكە كەلتٸرٸلگەن زالال 62,9 ملن تەڭگەدەن استى. الايدا ول تٷرمەگە قامالمايدى, دەپ حابارلايدى dalanews.kz.

سوت ٷكٸمٸنە سەيكەس, بۇرىنعى پولكوۆنيك قىلمىستىق كودەكستٸڭ 190-بابى 4-بٶلٸگٸنٸڭ 2-تارماعى بويىنشا كٸنەلٸ دەپ تانىلعان. العاشىندا وعان 5 جىل 6 اي باس بوستاندىعىنان ايىرۋ جازاسى تاعايىندالعان. راقىمشىلىققا بايلانىستى جازا مەرزٸمٸ بەستەن بٸر بٶلٸككە قىسقارتىلىپ, تٷپكٸلٸكتٸ 4 جىل 4 اي 24 كٷن بولىپ بەلگٸلەنگەن. الايدا قىلمىستىق كودەكستٸڭ 63-بابى نەگٸزٸندە بۇل جازا شارتتى دەپ تانىلدى.

سونىمەن قاتار سوت ونى «پولكوۆنيك» ەسكەري اتاعىنان ايىردى. جازانىڭ بارلىق مەرزٸمٸنە پروباتسييالىق باقىلاۋ بەلگٸلەندٸ.

سوت ماتەريالدارىنا سەيكەس, ەسكەري قىزمەتشٸ وتباسى مٷشەلەرٸنٸڭ سانىن جاساندى تٷردە كٶبەيتۋ ارقىلى تۇرعىن ٷي ٶتەماقىسىن زاڭسىز العان. ول التى بالانى تەربيەلەپ وتىرعان ەيەلگە وتباسىن قۇرۋ نيەتٸنسٸز نەكەگە تۇرۋدى ۇسىنىپ, بۇل ٷشٸن 4,5 ملن تەڭگە تٶلەۋگە ۋەدە بەرگەن. سوت قۇجاتتارىندا ەيەلدٸڭ جاڭىلىستىرىلىپ, ۇسىنىسقا كەلٸسكەنٸ كٶرسەتٸلگەن.

كەيٸن پولكوۆنيك ۇلتتىق ۇلاننىڭ تۇرعىن ٷي كوميسسيياسىنا قىزمەتتٸك باسپانانى جەكەشەلەندٸرۋ قۇقىعىنىڭ ورنىنا اقشالاي ٶتەماقى تٶلەۋ تۋرالى ٶتٸنٸش بەرگەن. كوميسسييا وعان 66 ملن تەڭگەدەن استام قاراجات اۋدارۋدى ماقۇلداعان.

بۇدان سوڭ ول اقشانى قولما-قول اقشاعا اينالدىرۋ ٷشٸن قوستانايدان پەتەردٸ فورمالدى تٷردە ساتىپ العان. كٶپبالالى اناعا دا ۋەدە ەتٸلگەن 4,5 ملن تەڭگە بەرٸلگەن.

سوتتا ايىپتالۋشى كٸنەسٸن مويىنداپ, باس بوستاندىعىنان ايىرماۋدى سۇراعان. ۇلتتىق ۇلان ٶكٸلٸ مەملەكەتكە كەلتٸرٸلگەن زالالدىڭ ٶتەلگەنٸن مەلٸمدەپ, ازاماتتىق تالاپتى قاراۋسىز قالدىرۋدى ٶتٸنگەن. جازا تٷرٸن بەلگٸلەۋدٸ سوتتىڭ قاراۋىنا قالدىرعان.

سوت وتىرىسى اشىق ٶتكەن. جەبٸرلەنۋشٸ تاراپ رەتٸندە قازاقستاننىڭ ۇلتتىق ۇلانى تانىلعان.