«قۋاتتى ايماقتار»: ولجاس بەكتەنوۆ اقتٶبە وبلىسىنداعى تاۋ-كەن مەتاللۋرگييا كەشەنٸنٸڭ جٷيە قۇراۋشى كەسٸپورىندارىن ارالادى

«قۋاتتى ايماقتار»: ولجاس بەكتەنوۆ اقتٶبە وبلىسىنداعى تاۋ-كەن مەتاللۋرگييا كەشەنٸنٸڭ جٷيە قۇراۋشى كەسٸپورىندارىن ارالادى
primeminister.kz

پرەمەر-مينيستر ولجاس بەكتەنوۆ اقتٶبە وبلىسىنا جۇمىس ساپارى اياسىندا ٶڭٸردٸڭ ٶنەركەسٸپتٸك ەلەۋەتٸمەن, ٸرٸ ٶندٸرٸس ورىنداردىڭ قىزمەتٸمەن جەنە ينۆەستيتسييالىق جوبالاردىڭ جٷزەگە اسىرىلۋ بارىسىمەن تانىستى. ٶنەركەسٸپتٸ دامىتۋ جەنە ەلٸمٸزدٸڭ ٶندٸرٸستٸك ەلەۋەتٸن نىعايتۋ – مەملەكەت باسشىسىنىڭ «جاڭا تاريحي كەزەڭدەگٸ قازاقستاننىڭ ٶزەكتٸ مٸندەتتەرٸ» اتتى قازاقستان حالقىنا جولداۋىندا ايقىندالعان باسىم باعىتتاردىڭ بٸرٸ, دەپ حابارلايدى dalanews.kz.

پرەمەر-مينيستر حرومتاۋ اۋدانىندا «اقتٶبە مىس كومپانيياسى» جشس (كٶكتاۋ اۋىلى) مىس جەنە مىس-مىرىش كەندەرٸن ٶندٸرۋ جەنە بايىتۋ كەسٸپورنىنا, Eurasian Resources Group كومپانييالار توبىنىڭ (حرومتاۋ قالاسى) كەسٸپورنىنا باردى.

«اقتٶبە مىس كومپانيياسى» جشس ٶندٸرٸستٸك الاڭىندا ولجاس بەكتەنوۆ كەن بايىتۋ فابريكاسى مەن مىس كونتسەنتراتىن ٶندٸرەتٸن تاۋ-كەن بايىتۋ كومبيناتىنىڭ جۇمىسىمەن تانىستى. كٷردەلٸ كەندەردەن مىس پەن مىرىشتى پايدالى كومپونەنتتەردٸڭ جوعالۋىن بارىنشا ازايتا وتىرىپ, تيٸمدٸ بٶلٸپ الۋعا مٷمكٸندٸك بەرەتٸن سەلەكتيۆتٸ جەنە ۇجىمدىق-سەلەكتيۆتٸ فلوتاتسييا تەحنولوگييالارى كٶرسەتٸلدٸ. كەسٸپورىندا ٶندٸرٸس ٶنٸمدٸلٸگٸ مەن قاۋٸپسٸزدٸگٸن ارتتىرۋعا باعىتتالعان «فلوتاتسييا وپەراتورىنىڭ تسيفرلىق كٶمەكشٸسٸ» جەنە تاۋ-كەن كٶلٸگٸن باسقارۋدىڭ اۆتوماتتاندىرىلعان جٷيەسٸ سەكٸلدٸ تسيفرلىق وتاندىق ەزٸرلەمەلەردە قولدانىلادى.

«اقتٶبە مىس كومپانيياسى» جشس باس ديرەكتورى فاريت سۋفيانوۆ زاۋىتتىڭ ٶندٸرٸستٸك قۋاتى جىلىنا 5 ملن توننا كەندٸ ٶڭدەۋگە جەتەتٸنٸن ايتتى. كەسٸپورىن ٶز جۇمىسىن باستاعالى بەرٸ ٶندٸرٸستٸ دامىتۋعا 407 ملرد تەڭگە ينۆەستيتسييالانعان, 2 مىڭنان استام جۇمىس ورنى قۇرىلعان. قازٸرگٸ ۋاقىتتا سەرٸكتەستٸك «وكتيابرگە 50 جىل» جەنە «پريورسكوە» كەن ورىندارىندا جەراستى كەنٸشتەرٸن سالۋ, سونداي-اق «ليماننوە» كەن ورنىندا ٶندٸرۋ جۇمىستارىن كەڭەيتۋ بويىنشا جوبالاردى جٷزەگە اسىرۋدا. بۇل كەسٸپورىننىڭ شيكٸزات بازاسىن كەڭەيتۋگە جەنە جاڭا جۇمىس ورىندارىن قۇرۋعا مٷمكٸندٸك بەرەدٸ. جاڭا جوبالاردى قوسقاندا ينۆەستيتسييالاردىڭ جيىنتىق كٶلەمٸ ەكٸ ەسەگە ارتىپ, 800 ملرد تەڭگەدەن اسادى.

«قازحروم» تۇك» اق اۋماعىندا (ERG توبىنا كٸرەدٸ) پرەمەر-مينيستر ٶندٸرٸستٸك كٶرسەتكٸشتەرمەن, ينۆەستيتسييالىق جوبالاردىڭ جٷزەگە اسىرىلۋ بارىسىمەن جەنە ERG توبىنىڭ اقتٶبە وبلىسىنداعى كەسٸپورىندارىن ودان ەرٸ دامىتۋ جوسپارلارىمەن تانىستى. ERG-دٸڭ قازاقستانداعى باس ديرەكتورى كۋدرەت شاميەۆ تٶرت نەگٸزگٸ باعىتتى قامتيتىن, جالپى ينۆەستيتسييا كٶلەمٸ $3,4 ملرد بولاتىن جاڭا ينۆەستيتسييالىق جوبالار تۋرالى حاباردار ەتتٸ, ولار: قۇنى $1,3 ملرد بولاتىن اليۋمينيي كلاستەرٸن قۇرۋ, $1 ملرد-قا جۋىق قاراجاتقا ەنەرگەتيكانى دامىتۋ, $800 ملن-نان استام قارجىعا «بولاشاق» شاحتاسىنىڭ ەكٸنشٸ جەنە ٷشٸنشٸ كەزەكتەرٸن سالۋ, سونداي-اق قۇنى $300 ملن بولاتىن تەمٸر كەن بايىتۋ فابريكاسىن سالۋ.

العاشقى نىسانداردى كەلەسٸ جىلى پايدالانۋعا بەرۋ جوسپارلانۋدا: قازٸرگٸ ۋاقىتتا اۆتوموبيلدٸڭ اليۋمينيي ديسكٸلەرٸن شىعارۋ زاۋىتى جوبالانۋدا بولسا, ودان بٶلەك اقتٶبەدە كەدەگە جاراتۋ ەلەكتر ستانساسىن سالۋ جەنە گالليي ٶندٸرٸسٸن ٸسكە قوسۋ جوبالارى جٷزەگە اسىرىلماق. 2028 جىلى اقسۋ ەلەكتر ستانساسىنىڭ №7 ەنەرگوبلوگىن ٸسكە قوسۋ جەنە پاۆلودار اليۋمينيي زاۋىتىن جاڭعىرتۋدىڭ بٸرٸنشٸ كەزەڭٸن اياقتاۋ جوسپارلانۋدا. 2029 جىلى «تاسساي» جەل ەلەكتر ستانساسىن, تەمٸر كەن بايىتۋ فابريكاسىن ٸسكە قوسۋ, پاۆلودار اليۋمينيي زاۋىتىن جاڭعىرتۋدىڭ ەكٸنشٸ كەزەڭٸن اياقتاۋ جەنە قەز-2 جاڭا ەلەكتروليز زاۋىتىن سالۋ كٶزدەلگەن. 2030 جىلى شىمكەنت جەو-3-تە گاز تۋربينالىق قوندىرمانى ٸسكە قوسۋ, 2034 جىلعا دەيٸن «بولاشاق» شاحتاسىنىڭ ەكٸنشٸ جەنە ٷشٸنشٸ كەزەڭدەرٸن تولىق جٷزەگە اسىرۋ جوسپارلانىپ وتىر.

پرەمەر-مينيسترگە 2027 جىلدىڭ سوڭىنا قاراي وتاندىق اليۋمينييدەن جىلىنا 500 مىڭعا دەيٸن اۆتوموبيل ديسكٸلەرٸن ٶندٸرۋ جٶنٸندەگٸ جوسپارلار تۋرالى باياندالدى. ٶنٸمدەر سونىڭ ٸشٸندە تيٸستٸ مەموراندۋمدار جاسالعان Astana Motors جەنە Hyundai اۆتوٶندٸرٸستٸك كومپانييالارىنا باعدارلاناتىن بولادى.

ولجاس بەكتەنوۆ ٶڭٸرلەردە ٶنەركەسٸپتٸك نەگٸزدٸ دامىتۋدىڭ ماڭىزدىلىعىن اتاپ ٶتتٸ.

«مەملەكەت باسشىسى اتاپ ٶتكەندەي, سايىپ كەلگەندە, قۋاتتى ايماقتار كٷشتٸ مەملەكەتتٸڭ نەگٸزٸن قالايدى. وسىعان بايلانىستى اۋماقتاردىڭ ٷيلەسٸمدٸ دامۋىن قامتاماسىز ەتۋ, ٶڭٸرلەردٸڭ ينۆەستيتسييالىق تارتىمدىلىعىن ارتتىرۋ جەنە ولاردىڭ ەكونوميكالىق ەلەۋەتٸن نىعايتۋ مەسەلەلەرٸ ايرىقشا ماڭىزعا يە. وتاندىق كەسٸپورىنداردى دامىتۋ, ٶندٸرٸستٸك قۋاتتاردى كەڭەيتۋ جەنە قوسىلعان قۇنى جوعارى ٶنٸمدەر شىعارۋ ٷشٸن قولايلى جاعداي جاساۋعا باسا مەن بەرۋ قاجەت», — دەپ اتاپ ٶتتٸ پرەمەر-مينيستر. 

نىسانداردى ارالاۋ قورىتىندىسى بويىنشا پرەمەر-مينيستر كەسٸپورىنداردى ودان ەرٸ تەحنولوگييالىق جاڭعىرتۋ مەن مينەرالدىق شيكٸزاتتى ٶڭدەۋدٸ تەرەڭدەتۋدٸ تاپسىردى. ٸرٸ كومپانييالاردىڭ ساتىپ الۋلارىنداعى قازاقستاندىق قامتۋ ٷلەسٸن ارتتىرۋعا, وتاندىق ٶندٸرۋشٸلەرمەن سونداي-اق شاعىن جەنە ورتا بيزنەس سۋبەكتٸلەرٸمەن ىنتىماقتاستىقتى كەڭەيتۋگە باسا نازار اۋدارىلدى.