Astanada Ishki ister ministrligine qarasty esirtki qylmysyna qarsy is-qimyl komitetiniń burynǵy tóraǵasy Daniiar Meirhanǵa qatysty sot úkimi shyqty. Ol jynystyq qatynasqa májbúrleý baby boiynsha kináli dep tanylyp, aiyppul tóleýge mindetteldi. Ishki ister ministrligi burynǵy basshyǵa qatysty budan keiin qandai shara qabyldanatynyn túsindirdi, dep habarlaidy dalanews.kz.
19 qarashada Astana qalasynyń qylmystyq ister jónindegi aýdanaralyq soty Daniiar Meirhandy Qylmystyq kodekstiń 123-babynyń 1-bóligi, iaǵni «Jynystyq qatynasqa májbúrleý» baby boiynsha kináli dep tanydy.
Sot oǵan 1 500 ailyq eseptik kórsetkish (AEK) mólsherinde, iaǵni 6 million 487 myń 500 teńge aiyppul taǵaiyndady.
Astana qalalyq sotynyń baspasóz qyzmeti istiń jabyq sot otyrysynda qaralǵanyn habarlady. Sondai-aq úkimniń áli zańdy kúshine enbegenin málimdedi. Bul oqiǵa 2026 jyldyń sáýirinde qoǵamǵa belgili boldy. Sol kezde áleýmettik jelilerde Daniiar Meirhannyń ústinen qyzmetkerler shaǵym túsirgeni týraly aqparat taraǵan edi.
Jariialanym avtorlary politsiia basshysyn qyzmettik ókilettigin asyra paidalandy jáne qyzmetker áielge tiisip, qysym kórsetti dep kúdiktengenin jazdy. Sondai-aq onyń 20 baǵynysty qyzmetkeri ujymdyq aryz túsirgeni habarlandy.
Ishki ister ministrligi qyzmetkerlerden shaǵym túskenin rastady. 8 sáýirde ishki ister ministriniń orynbasary Sanjar Ádilov vedomstvonyń sotqa deiingi tergep-tekserý júrgizip jatqanyn málimdedi. Tekserý aiaqtalǵanǵa deiin Meirhan qyzmetinen shettetildi.
Keiin, 2026 jyldyń mamyrynda IIM Qylmystyq kodekstiń 115-1-baby, iaǵni «Stalking» boiynsha Meirhanǵa qatysty qozǵalǵan qylmystyq istiń toqtatylǵanyn habarlady.