2026 jylǵy 17 jeltoqsannan bastap Tashkent pen Astrahan arasynda Atyraý arqyly jańa halyqaralyq jolaýshylar poiyzy aptasyna bir ret qatynai bastaidy. Bul týraly Ózbekstannyń Kólik ministrligi málimdedi, dep habarlaidy dalanews.kz.
№150 poiyz 17 jeltoqsannan bastap ár beisenbi kúni saǵat 18:00-de Tashkenttiń ortalyq temirjol vokzalynan jolǵa shyǵady. Senbi kúni saǵat 10:00-de Atyraýǵa jetip, 25 minýt aialdaǵannan keiin Astrahanǵa qarai saparyn jalǵastyrady.
Al keri baǵyttaǵy №149 poiyz alǵashqy reisin 20 jeltoqsanda oryndaidy. Ol ár jeksenbi kúni saǵat 02:01-de Astrahannan attanyp, sol kúni saǵat 13:44-te Atyraýǵa keledi. Osy jerden Tashkentke baǵyt alǵan jolaýshylar Ózbekstan astanasyna seisenbi kúni saǵat 04:35-te jetedi. Atyraýdan Tashkentke deiingi jol shamamen 39 saǵatqa sozylady.
Poiyz jolai Ganiýshkino, Dossor, Maqat, Qulsary, Beineý, Núkis, Buhara jáne Samarqand stantsiialaryna aialdaidy.
Jolaýshylar biletti poiyzdyń jóneltilýine 45 táýlik qalǵanda satyp ala alady.