Astanada naýbaihanadaǵy sanitarlyq jaǵdaidy túsirip júrgen «Jetinshi arna» tilshisiniń mikrofonyn tartyp alyp, teleoperatordy taspen qýdalaǵan kásipkerge 86,5 myń teńge aiyppul salyndy. Janjalǵa qatysqan teleoperator da ákimshilik jaýapkershilikke tartyldy, dep habarlaidy dalanews.kz.
«Ádil sóz» sóz bostandyǵyn qorǵaý halyqaralyq qorynyń málimetinshe, oqiǵa naýbaihanadaǵy sanitarlyq talaptardyń saqtalýy múmkin emestigi týraly túsirilim kezinde bolǵan. Kásipker tilshiniń mikrofonyn julyp alyp, qolyna tas ustap teleoperatordy qýa jónelgen. Qaqtyǵys kezinde ol áieldi jerge qulatqan.
13 qarashada sot kásipkerdi Ákimshilik quqyq buzýshylyq týraly kodekstiń 434-babynyń 1-bóligi boiynsha usaq buzaqylyq jasaǵany úshin kináli dep tanyp, 86 500 teńge aiyppul salǵan.
Al teleoperator mikrofondy qaitaryp alýǵa árekettengen kezde basqa adamnyń tynyshtyǵyn buzdy dep baǵalanyp, oǵan da aiyppul taǵaiyndalǵan.
Osylaisha, janjalǵa qatysqan eki tarap ta ákimshilik jaýapkershilikke tartyldy.