Qazaqstan elektrondy úkimetti damytý deńgeii boiynsha álemdik reitingte segiz satyǵa kóterilip, 16-orynǵa jaiǵasty. Bul týraly Birikken Ulttar Uiymynyń 2026 jylǵy elektrondy úkimet jónindegi zertteýinde aitylǵan, dep habarlaidy dalanews.kz.
Qazaqstannyń elektrondy úkimetti damytý indeksi 0,9363 baldy qurady. Osylaisha, elimiz Shvetsiia, Germaniia, Irlandiia, Jańa Zelandiia jáne Polsha sekildi memleketterdi basyp ozdy. 2024 jylǵy reitingte Qazaqstan 24-orynda bolǵan.
Sondai-aq Qazaqstan alǵash ret elektrondy úkimeti eń joǵary deńgeide damyǵan 21 memlekettiń qataryna qosyldy. TMD jáne Ortalyq Aziia elderi arasynda da birinshi orynǵa shyqty. Bul tizimde Ózbekstan - 32, Ázerbaijan - 38, Resei - 50, Armeniia - 55, Qyrǵyzstan 83-orynda tur.
Álemdik reitingtiń kóshin Ońtústik Koreia bastady. Odan keiin Daniia men Singapýr ornalasqan.