Norvegiialyq grossmeister Magnýs Karlsen Vengriianyń Býdapesht qalasynda ótip jatqan Total Chess World Championship Tour Pilot 2026 týrnirinde qazaqstandyq shahmatshy Bibisara Asaýbaevamen oinaýdan ekinshi ret bas tartty, dep habarlaidy dalanews.kz.
Oqiǵa 17-20-oryndar úshin ótken kezdesýdiń ekinshi oiyn kúninde boldy. Karlsen blitste tórt partiianyń bárinde jeńiske jetip, rapidte taǵy bir partiiada basym tústi, al eki partiiany teń aiaqtady. Kúnniń sońǵy partiiasy jyldam klassika formatynda ótýi kerek edi. Onyń aldynda norvegiialyq shahmatshy 10:2 esebimen alda turdy.
Birinshi oiyn kúni de Karlsen 11,5:8,5 esebimen jeńiske jetkendikten, sońǵy partiiada tehnikalyq jeńiliske ushyrasa da, jalpy esepte basym túser edi. Aqyry shahmattan álemniń 16-chempiony bul joly da taqtaǵa otyrmady.
Asaýbaeva aq tastarmen alǵashqy júrisin jasaǵannan keiin oǵan tehnikalyq jeńis berildi.