Qurmanbek Jumaǵali Sháken Aimanov atyndaǵy "Qazaqfilm" kinostýdiiasynyń prezidenti bolyp taǵaiyndaldy, dep habarlaidy dalanews.kz.
Buǵan deiin ol "Ulttyq kinony qoldaý memlekettik ortalyǵy" KEAQ basqarma tóraǵasy qyzmetin atqarǵan.
Qurmanbek Jumaǵali týraly ne belgili?
Qurmanbek Jumaǵali eńbek jolyn 2004 jyly bastaǵan. Memlekettik qyzmette jáne buqaralyq aqparat quraldary men media salasynda mol tájiribesi bar.
Ár jyldary "Qazaqstan" RTRK-da túrli basshylyq qyzmet atqaryp, Qaraǵandy oblysy ákiminiń keńesshisi, Mańǵystaý oblysy ishki saiasat basqarmasy basshysynyń orynbasary, keiin basqarma basshysy, "Qazaq radiolary" direktory, "Qazaqstan" RTRK basqarma tóraǵasynyń birinshi orynbasary bolǵan.
2019-2021 jyldary "Astana" telearnasynyń bas direktory, al 2021-2023 jyldary "31 arna" telearnasynyń bas direktory qyzmetin atqarǵan.
2023 jylǵy shildeden bastap búgingi ýaqytqa deiin "Ulttyq kinony qoldaý memlekettik ortalyǵy" KEAQ basqarma tóraǵasy bolyp qyzmet etip keldi.