Ózbekstanda sottalǵandarǵa koloniiadan joǵary bilim alýǵa múmkindik beriledi

Ózbekstanda sottalǵandarǵa koloniiadan joǵary bilim alýǵa múmkindik beriledi
JI: Dalanews.kz

Ózbekstanda jazasyn óteýshiler joǵary oqý oryndaryna túsip, qashyqtan bilim ala alady. Jańa tártip 2027/2028 oqý jylynan bastap «Iangi haiot» («Jańa ómir») baǵdarlamasy aiasynda iske qosylady. Oqý aqyly-kelisimshart negizinde júrgiziledi, dep habarlaidy dalanews.kz.

Jańa qaýlyda ne qarastyrylǵan?

Ózbekstan prezidentiniń 2026 jylǵy 16 qarashadaǵy qaýlysyna sáikes, elde sottalǵandardy bostandyqqa shyǵýǵa daiyndaý jáne olardyń qoǵamǵa beiimdelýine kómektesetin qosymsha sharalar engiziledi. Qujatqa sáikes, jazasyn túzeý mekemelerinde ótep jatqan azamattarǵa joǵary oqý oryndaryna túsýge múmkindik beriledi. Olar bilimdi qashyqtan alyp, oqý aqysyn kelisimshart negizinde tóleidi.

Oqý protsesin uiymdastyrý úshin koloniialarda beinekonferentsiia bailanysymen jabdyqtalǵan arnaiy kabinetter ashylady. Bul sottalǵandarǵa onlain sabaqtarǵa qatysyp, bilim alýyna múmkindik beredi.

Sottalǵandarǵa qandai mamandyqtar úiretiledi?

Qaýlyda joǵary bilimmen qatar kásibi daiarlyqqa da kóńil bólingen. 2027/2028 oqý jylyna deiin jazasyn óteý mekemelerinde 310 oqý kabineti men praktikalyq sabaqtarǵa arnalǵan 420 bólme ashý josparlanǵan.

Sonymen qatar, 2030 jylǵa deiin suranysqa ie keminde 50 mamandyq boiynsha bilim berý baǵdarlamalaryn engizý kózdelgen. Jyl saiyn 15–20 myńnan kem emes sottalǵan kásibi daiarlyqtan ótýi tiis.

Baǵdarlamanyń negizgi maqsaty – sottalǵandardyń bilim alyp, kásibi daǵdylardy meńgerýine jaǵdai jasaý arqyly olardyń qoǵamǵa qaita beiimdelýine kómektesý. Ózbekstan biligi kásibi oqytý baǵdarlamalary arqyly qaitalama qylmys deńgeiin 30 paiyzǵa tómendetýdi josparlap otyr.