Qazaqstanda bal ashatyndarǵa jańa talap engizilýi múmkin

Qazaqstanda bal ashatyndarǵa jańa talap engizilýi múmkin
ashyq derekkóz

Qazaqstanda bal ashý, bolashaqty boljaý jáne erekshe qabileti bar ekenin málimdeitin adamdardyń basqa da qyzmeti týraly kontentke arnaiy eskertý belgisin qoiý mindettelýi múmkin, dep habarlaidy dalanews.kz.

Bul usynysty mádeniet jáne aqparat ministri Arman Qyryqbaev Quryltai otyrysynda onlain-platformalar men mass-media týraly zań jobasyn tanystyrý kezinde aitty.

Ministrdiń sózinshe, ózgeristerdiń maqsaty - bilim berý kýrstary men bal ashý siiaqty qyzmetter týraly aqparatty ashyq kórsetý jáne azamattardyń quqyǵyn qorǵaý.

Quryltai saitynda jariialanǵan qujatta zańnamaǵa "okkýlttik qyzmetter" degen uǵym engizý usynylǵan.

Bul uǵymǵa adamnyń nemese oqiǵalardyń bolashaǵyn boljaýǵa, ózgertýge ne olarǵa áser etýge múmkindik beretin tabiǵattan tys, paranormaldy nemese ǵylymda dáleldenbegen qabiletterge negizdelgen qyzmetter jatady.

Mundai qyzmetter týraly jazbalarda olardyń tek oiyn-saýyq maqsatynda usynylatyny jáne ǵylymi ne tájiribelik turǵydan dáleldenbegeni týraly eskertý bolýy kerek.