قازاقستاندا بال اشۋ, بولاشاقتى بولجاۋ جەنە ەرەكشە قابٸلەتٸ بار ەكەنٸن مەلٸمدەيتٸن ادامداردىڭ باسقا دا قىزمەتٸ تۋرالى كونتەنتكە ارنايى ەسكەرتۋ بەلگٸسٸن قويۋ مٸندەتتەلۋٸ مٷمكٸن, دەپ حابارلايدى dalanews.kz.
بۇل ۇسىنىستى مەدەنيەت جەنە اقپارات مينيسترٸ ارمان قىرىقباەۆ قۇرىلتاي وتىرىسىندا ونلاين-پلاتفورمالار مەن ماسس-مەديا تۋرالى زاڭ جوباسىن تانىستىرۋ كەزٸندە ايتتى.
مينيستردٸڭ سٶزٸنشە, ٶزگەرٸستەردٸڭ ماقساتى - بٸلٸم بەرۋ كۋرستارى مەن بال اشۋ سيياقتى قىزمەتتەر تۋرالى اقپاراتتى اشىق كٶرسەتۋ جەنە ازاماتتاردىڭ قۇقىعىن قورعاۋ.
قۇرىلتاي سايتىندا جارييالانعان قۇجاتتا زاڭناماعا "وككۋلتتٸك قىزمەتتەر" دەگەن ۇعىم ەنگٸزۋ ۇسىنىلعان.
بۇل ۇعىمعا ادامنىڭ نەمەسە وقيعالاردىڭ بولاشاعىن بولجاۋعا, ٶزگەرتۋگە نە ولارعا ەسەر ەتۋگە مٷمكٸندٸك بەرەتٸن تابيعاتتان تىس, پارانورمالدى نەمەسە عىلىمدا دەلەلدەنبەگەن قابٸلەتتەرگە نەگٸزدەلگەن قىزمەتتەر جاتادى.
مۇنداي قىزمەتتەر تۋرالى جازبالاردا ولاردىڭ تەك ويىن-ساۋىق ماقساتىندا ۇسىنىلاتىنى جەنە عىلىمي نە تەجٸريبەلٸك تۇرعىدان دەلەلدەنبەگەنٸ تۋرالى ەسكەرتۋ بولۋى كەرەك.