Tramp Si Tszinpin jáne Pýtinmen kezdesý úshin Aziiaǵa bardy

Tramp Si Tszinpin jáne Pýtinmen kezdesý úshin Aziiaǵa bardy
www.aa.com.tr

AQSh prezidenti Donald Tramp Qytai basshysy Si Tszinpinmen jáne Resei prezidenti Vladimir Pýtinmen kezdesýge Aziiaǵa bardy. Ol sapary kezinde Soltústik Koreia basshysy Kim Chen Ynmen de kezdesýi múmkin ekenin joqqa shyǵarmady, dep habarlaidy dalanews.kz.

Amerikalyq prezidenttiń aitýynsha, Soltústik Koreia basshysy osy aptada Qytaida ótetin Aziia-Tynyq muhity ekonomikalyq yntymaqtastyǵy (ATES) sammitine qatysýy yqtimal. Bul týraly Today basylymy habarlady.

«Ol kelýi múmkin. Naqty bilmeimin. Bul Qytai tóraǵasy Si Tszinpinge bailanysty», – dedi Tramp Vashingtonnan ushar aldynda jýrnalisterge.

AQSh prezidenti aldymen Filippinge baryp, ASEAN sammitine qatysady. Odan keiin Qytaidyń Shenchjen qalasyna baryp, ATES sammiti aiasynda kezdesýler ótkizedi. Onda Si Tszinpinmen jáne Vladimir Pýtinmen kelissóz júrgizý josparlanǵan.

Ázirge Tramp pen Kim Chen Ynnyń kezdesýi týraly resmi kelisim joq. Amerikalyq BAQ málimetinshe, Aq úi sapar aldynda prezidenttiń kún tártibine mundai kezdesý engizbegen. Sonymen qatar Soltústik Koreia basshysynyń ATES sammitine qatysýy ekitalai. KHDR bul uiymǵa múshe emes, al Kim Chen Yn buryn ATES is-sharalaryna qatyspaǵan.

Tramp pen Kim Chen Yn AQSh prezidentiniń alǵashqy merzimi kezinde úsh ret kezdesken. Alǵashqy kezdesý 2018 jyly Singapýrde, ekinshisi 2019 jyly Hanoida, úshinshisi sol jyly Koreiaaralyq shekarada ótken. Alaida kelissózder Soltústik Koreianyń iadrolyq qarýdan bas tartýy jóninde naqty kelisimge ákelmedi.