Трамп Си Цзиньпин және Путинмен кездесу үшін Азияға барды

Трамп Си Цзиньпин және Путинмен кездесу үшін Азияға барды
www.aa.com.tr

АҚШ президенті Дональд Трамп Қытай басшысы Си Цзиньпинмен және Ресей президенті Владимир Путинмен кездесуге Азияға барды. Ол сапары кезінде Солтүстік Корея басшысы Ким Чен Ынмен де кездесуі мүмкін екенін жоққа шығармады, деп хабарлайды dalanews.kz.

Америкалық президенттің айтуынша, Солтүстік Корея басшысы осы аптада Қытайда өтетін Азия-Тынық мұхиты экономикалық ынтымақтастығы (АТЭС) саммитіне қатысуы ықтимал. Бұл туралы Today басылымы хабарлады.

«Ол келуі мүмкін. Нақты білмеймін. Бұл Қытай төрағасы Си Цзиньпинге байланысты», – деді Трамп Вашингтоннан ұшар алдында журналистерге.

АҚШ президенті алдымен Филиппинге барып, АСЕАН саммитіне қатысады. Одан кейін Қытайдың Шэньчжэнь қаласына барып, АТЭС саммиті аясында кездесулер өткізеді. Онда Си Цзиньпинмен және Владимир Путинмен келіссөз жүргізу жоспарланған.

Әзірге Трамп пен Ким Чен Ынның кездесуі туралы ресми келісім жоқ. Америкалық БАҚ мәліметінше, Ақ үй сапар алдында президенттің күн тәртібіне мұндай кездесу енгізбеген. Сонымен қатар Солтүстік Корея басшысының АТЭС саммитіне қатысуы екіталай. КХДР бұл ұйымға мүше емес, ал Ким Чен Ын бұрын АТЭС іс-шараларына қатыспаған.

Трамп пен Ким Чен Ын АҚШ президентінің алғашқы мерзімі кезінде үш рет кездескен. Алғашқы кездесу 2018 жылы Сингапурде, екіншісі 2019 жылы Ханойда, үшіншісі сол жылы Кореяаралық шекарада өткен. Алайда келіссөздер Солтүстік Кореяның ядролық қарудан бас тартуы жөнінде нақты келісімге әкелмеді.