Reseide ushaq bortynda janjal shyǵaryp, áýe kemesin basyp almaq boldy degen kúdikke ilingen 42 jastaǵy er adam ustaldy. BAQ málimetinshe, ol – Qazaqstannyń týmasy, dep habarlaidy dalanews.kz.
RIA Novosti agenttiginiń habarlaýynsha, ushaq ushar aldynda politsiiaǵa áýe kemesin basyp alý qaýpi týraly habarlama túsken. Osydan keiin bortqa quqyq qorǵaý organdarynyń qyzmetkerleri kelip, Máskeý oblysynyń 42 jastaǵy turǵynyn ustaǵan. Er adamnan mas kúiiniń belgileri baiqalǵan. Tekserý barysynda odan qaýipti zattar tabylmaǵan.
Resei Ishki ister ministrliginiń málimetinshe, ustalǵan azamat alty táýlikke ákimshilik qamaýǵa alynǵan. Sonymen qatar oǵan qatysty qylmystyq is qozǵaý máselesi qarastyrylyp jatyr. Al 112 Telegram-arnasynyń jazýynsha, er adam Qazaqstanda týǵan. Arnanyń málimetinshe, ol buǵan deiin urlyq jáne adam óltiremin dep qorqytý derekteri boiynsha sottalǵan.
Oqiǵa saldarynan áýe reisi eki saǵatqa keshiktirilgen.