Toqaev UQK jańa basshylyǵymen jiyn ótkizdi

Toqaev UQK jańa basshylyǵymen jiyn ótkizdi
Aqorda

Prezident Ulttyq qaýipsizdik komitetiniń basshylyǵymen jiyn ótkizdi, dep habarlaidy dalanews.kz.

Memleket basshysy Qasym-Jomart Toqaev Ulttyq qaýipsizdik komitetiniń jańa tóraǵasy Marat Irmenovti tanystyryp, oǵan birqatar mindet júktedi.

Prezident ulttyq qaýipsizdik organdary júiesin reformalaý, vedomstvo aldyna qoiylǵan maqsattarǵa jetýdiń jańa tásilderin ázirleý jáne qyzmet tiimdiligin arttyrý qajettigine toqtaldy.

Qasym-Jomart Toqaev «Zań men Tártip» qaǵidatynyń oryndalýyna, memlekettiń ekonomika salasyndaǵy ulttyq múddesin qamtamasyz etýge, sybailas jemqorlyqqa jáne basqa da zań buzýshylyqtarǵa qarsy is-qimylǵa basa nazar aýdarý kerek ekenin atap ótti.

Sonymen qatar Prezident kadrlardy irikteý tártibin jetildirý, áleýmettik-ekonomikalyq turaqtylyqqa tónetin qaýiptiń aldyn alý, basymdyqqa ie memlekettik baǵdarlamalardy júzege asyrý barysynda jemqorlyq táýekelderin boldyrmaý jónindegi profilaktikalyq sharalardy kúsheitý týraly tapsyrma berdi.