Almaty turǵyny "Qorǵas" shekara mańy halyqaralyq yntymaqtastyq ortalyǵy" keden beketi arqyly asa iri mólsherdegi baǵaly metaldy zańsyz ótkizbek bolǵan, dep habarlaidy dalanews.kz.
Ol keden jáne shekara baqylaýynan jasyrý maqsatynda altyn quimalaryn jabysqaq taspa kómegimen denesine jabystyryp alyp júrgen.
Keden tekserisi barysynda taýar áshkerelenip, ýákiletti organ qyzmetkerleri ony tárkiledi.
Sot talqylaýy barysynda memlekettik aiyptaýshy sottalýshynyń kinásin tolyq dáleldedi.
Panfilov aýdandyq sotynyń úkimimen er adam kináli dep tanylyp, quny 488 million teńge bolatyn 5 keli 764 gramm altyn memleket kirisine tárkilendi.