Almaty politsiiasyna “aqyldy kózildirik” kómektese ala ma?

Almaty politsiiasyna “aqyldy kózildirik” kómektese ala ma?
IIM

Almaty qalasynyń politseileri bet-álpetti taný tehnologiiasy ornatylǵan smart-kózildirikti synaqtan ótkizip jatyr. Qurylǵynyń kómegimen tártip saqshylary adamdardy izdeýde júrgen azamattardyń derekqorymen salystyra alady, dep habarlaidy dalanews.kz.

Júie adamnyń júzin tanyp, ony arnaiy bazadaǵy fotosýrettermen salystyrady. Eger izdeýde júrgen adamǵa uqsastyq anyqtalsa, kózildirik politseige belgi beredi. Alaida mundai jaǵdaida azamattyń jeke basyn qosymsha tekserý qajet.

Jańa tehnologiianyń kómegimen Almatydaǵy meshitterdiń birinen Shymkent politsiiasy izdep júrgen er adam anyqtalǵan. Bul – qurylǵyny qoldaný kezinde tirkelgen jaǵdailardyń biri.

Politsiia ókilderi smart-kózildirik adamdardy tekserý ýaqytyn qysqartyp, izdeýde júrgen azamattardy jedel anyqtaýǵa múmkindik beredi dep esepteidi.

Ázirge qurylǵy synaq kezeńinde. Onyń jumysyna qatysty tolyq málimet pen tehnologiiany turaqty qoldaný merzimi jariialanǵan joq.