Osy aptada kei aktsiialar qunynyń qulaýy men AQSh sýverendy obligatsiialary (US Treasuries) kiristiliginiń ósýinen týyndaǵan aktsiialar naryǵyndaǵy pessemizmniń Qazaqstan qorlaryna áserine baǵa berilmek. Qulaýdyń basty draivery Nvidia boldy.
"Qazir Ulttyq qor men Birińǵai jinaqtaýshy zeinetaqy qorynyń sheteldik aktsiialarda ustap otyrǵan aqshasy shamamen 13,9 trln teńge nemese 31 mlrd dollar. Bul az soma emes. Sondyqtan Nvidia men US Treasuries boiynsha jaǵdai alańdaýǵa turarlyq", - deidi, DALA INSIDE derekkózi.
Nvidia aktsiialary shamamen 10 paiyzǵa arzandady. Ulttyq qor men BJZQ-nyń sheteldik aktsiialar portfelindegi Nvidia úlesi 1% bolǵan stsenariide, osy quldyraý portfeldiń naryqtyq qunyn shamamen 13,94 mlrd teńgege tómendetedi. Bul jalpy 30,97 mlrd dollar portfeldiń 0,1%-yna teń.
Qazaqstannyń investitsiialyq portfelderine qysym tek Nvidia arqyly kelmeidi. AQSh qazynashylyq obligatsiialarynyń (US Treasuries) kiristiligi óskende, álemdik aktsiialar naryǵyna da salmaq túsedi. Mehanizmi qarapaiym. AQSh memlekettik obligatsiialary joǵaryraq kiris usynsa, investorlar aktsiiadan da kóbirek tabys talap etedi. Osy yqpal Nvidia-men shektelmei, halyqaralyq indeksterge kiretin basqa kompaniialarǵa tarasa, Qazaqstannyń sheteldik aktsiialar portfeline áseri áldeqaida aýqymdy bolýy múmkin.
Buǵan deiin eseptegen 30,97 milliard dollarlyq portfeldi negizge alǵanda, aktsiialardyń jalpy naryqtyq quny 1 paiyz tómendese, azaiý 309,7 million dollardy, shartty 450 teńgelik baǵammen 139,36 milliard teńgeni quraidy.
Bul portfeldiń naryq qozǵalysyna sezimtaldyǵyn kórsetetin stsenarii. Treasuries kiristiligi 1 paiyzdyq tarmaqqa kóterilse, aktsiialar dál 1 paiyz túsedi degen bailanys joq. Indekstiń qozǵalysy men naqty portfeldiń nátijesi de birdei bolmaýy múmkin.
Sondyqtan Qazaqstan Nvidia-daǵy jeke pozitsiiamen birge búkil aktsiialar portfeliniń qozǵalysyn jiti baǵalap otyr.