Qazaqstanda marketpleisterde balalarǵa arnalǵan jańa shekteý engizý usynyldy

Qazaqstanda marketpleisterde balalarǵa arnalǵan jańa shekteý engizý usynyldy
ashyq derekkóz

Qazaqstanda marketpleisterde balalarǵa arnalǵan jańa shekteý engizý usynyldy, dep habarlaidy dalanews.kz.

Májilis depýtaty Dinara Zákieva "Balalardyń tsifrlyq jáne aqparattyq qaýipsizdigi týraly" jańa zań jobasy ázirlengenin málimdedi.

"Jańa qaýipter men tehnologiialardyń damýyn eskere otyryp, birqatar shara usynyldy. Onlain oiyndardy qosqanda, barlyq tsifrlyq jáne aqparattyq ónimniń qaýipsizdigin qamtamasyz etý kózdelgen. Ol úshin platformalarǵa ónimniń mazmuny men tsifrlyq qaýipteri týraly aqparatty kórsetý mindetteledi. Mysaly, oiyn ishinde hat almasý nemese satyp alý múmkindigi bar-joǵyn belgileý qajet. Budan bólek, ýákiletti memlekettik organnyń mindetti tekseris tetigin engizý, zańbuzýshylyqtardy anyqtaý úshin monitoring júrgizý, sondai-aq, qaýip tóndiretin aqparattyq nemese tsifrlyq ónimdi, mysaly, oiyndy óshirý nemese buǵattaý talaptary qarastyrylǵan", - dedi depýtat.

Zań jobasynda platformalardyń ielerine zań talaptaryn buzǵany úshin jaýapkershilik júkteý usynylǵan. Sondai-aq, balalardy anyqtaýǵa jáne sáikestendirýge múmkindik beretin sýreti bar ID-kartalardy engizýdiń halyqaralyq tájiribesi eskerilgen.