Qazaqstanda balalardyń ál-aýqatyna baǵyttalǵan memlekettik qarjy kólemi úsh esege artyp, 6,4 trln teńgege jetti. Bul týraly Quryltaida "Qazaqstan balalary" tujyrymdamasynyń iske asyrylý barysy talqylanǵan Úkimet saǵatynda Oqý-aǵartý ministri Juldyz Súleimenova málimdedi, dep habarlaidy dalanews.kz.
Ministrdiń dereginshe, búginde elimizde 7 millionǵa jýyq bala bar. Bul Qazaqstan halqynyń shamamen úshten birin quraidy.
Juldyz Súleimenova 2024 jyldan beri júzege asyrylyp kele jatqan "Ulttyq qor - balalarǵa" baǵdarlamasynyń nátijesine de toqtaldy. Baǵdarlama aiasynda ár balanyń arnaiy shotyna Ulttyq qordyń investitsiialyq tabysynan qarajat aýdarylady.
"2024 jyly balalardyń arnaiy shottaryna 695,5 mln dollar aýdarylsa, 2025 jyly bul soma 888,8 mln dollarǵa jetti. Al 2026 jyly 901,7 mln dollar bólindi", – dedi ministr.
Osylaisha, keiingi úsh jylda baǵdarlama aiasynda balalardyń shottaryna jalpy somasy 2,48 mlrd dollardan astam qarjy baǵyttalǵan.