Salyq jónindegi keńesshi Dmitrii Kazantsev jalpyǵa birdei belgilengen salyq rejimin qoldanatyn kásipkerlerdiń 2026 jylǵa arnalǵan salyq tóleý merzimi 2027 jylǵy naýryz-sáýirge sáikes keletinin eske saldy, dep habarlaidy dalanews.kz.
Onyń aitýynsha, sol ýaqytqa qarai keibir kásiporyndar bankrotqa ushyraýy múmkin. Dmitrii Kazantsevtiń sózinshe, qazir kásipkerlerge, ásirese, shaǵyn biznes ókilderine ońai emes. Jumys istep turǵan kásiporyndardyń ózinde tabys aitarlyqtai azaiǵan.
"Mysaly, meniń negizgi biznesim keńes berý jáne jarnama salasymen bailanysty. Jańa Salyq kodeksine sáikes biyldan bastap burynǵy 3 paiyzdyń ornyna 26 paiyz salyq tóleýim kerek. Biraq qyzmet baǵasyn da 26 paiyzǵa kótere almadym. Óitkeni jyldar boiy birge jumys istep kele jatqan klientter bar. Olarǵa "Keshirińizder, endi osylai bolady" dep aita almaimyn. Sonyń saldarynan tabysym azaidy. Satylymnan paiyz alatyn menedjerlerimniń de tabysy tómendedi. Demek, olar da az satyp ala bastady. Mundai jaǵdai ár bizneste bolyp jatyr", – dedi Kazantsev Ulysmedia-ǵa.
