Qazaqstan mobildi internettiń qoljetimdiligi men jyldamdyǵy boiynsha birqatar elden ozyp tur. Elde bir gigabait trafiktiń ortasha baǵasy shamamen 30 tsentti quraidy. Bul álemdik ortasha kórsetkishten tórt eseden astam tómen. Sonymen qatar mobildi internet jyldamdyǵy jóninen Qazaqstan Kanada, Ulybritaniia, Italiia jáne Ispaniiadan alda, dep habarlaidy dalanews.kz.
Finprom.kz sarapshylarynyń taldaýyna sáikes, Qazaqstanda bir gigabait mobildi internettiń medianalyq quny shamamen 0,30 dollar. Al álem boiynsha bul kórsetkish 1,23 dollarǵa teń. Broadband Genie zertteýinde Qazaqstan mobildi interneti eń qoljetimdi elderdiń arasynda 53-orynǵa jaiǵasqan.
Tek baǵaǵa qarap internettiń qoljetimdiligin baǵalaý jetkiliksiz. Sebebi abonent úshin tarif qunymen qatar bailanys jyldamdyǵy men usynylatyn trafik kólemi de mańyzdy. Osy kórsetkishterdi salystyrǵanda Qazaqstan mobildi interneti jyldam 55 eldiń ishinde ailyq tarif baǵasy boiynsha jetinshi oryn alǵan. Elde mobildi internettiń ortasha ailyq quny 10,65 dollardy quraidy. Al osy toptaǵy memleketterde ortasha baǵa 27 dollardan asady.
Qazaqstandaǵy mobildi internettiń ortasha jyldamdyǵy sekýndyna 93 megabitke jetken. Bul kórsetkish boiynsha el álemdik reitingte 51-orynda tur. Qazaqstan Kanada, Ulybritaniia, Italiia jáne Ispaniia siiaqty memleketterden ozyp, Ortalyq Aziia men Eýraziialyq ekonomikalyq odaq elderi arasynda kósh bastap keledi.
Degenmen jyldam interneti bar elderdiń arasynda baǵasy Qazaqstannan tómen memleketter de kezdesedi. Máselen, Vetnam, Grýziia jáne Úndistanda mobildi bailanys jyldamdyǵy joǵary ári ailyq tarif quny da arzanyraq. Al Kanadada internet jyldamdyǵy Qazaqstannan tómen bolǵanymen, abonentter bailanys úshin shamamen 5,5 ese kóp tóleidi.
Qazaqstandyqtar internetti álemdik ortasha deńgeiden kóp tutynady
Halyqaralyq elektr bailanysy odaǵynyń derekterine sáikes, 2025 jyly Qazaqstanda bir mobildi keńjolaqty internet abonentine jylyna 283 gigabait trafikten kelgen. Álemdik ortasha kórsetkish - 184 gigabait. Iaǵni qazaqstandyqtar mobildi internetti álemdik ortasha deńgeiden shamamen 1,5 ese kóp paidalanady.
Ai saiynǵy eseppen alǵanda, bir abonentke shamamen 23,6 gigabait trafik tiesili. Jekelegen operatorlarda bul kórsetkish budan da joǵary. Máselen, Tele2 abonentteri biyl aiyna orta eseppen 40 gigabait internet jumsaidy. Kcell jáne Activ jelilerinde 2026 jyldyń birinshi jartyjyldyǵyndaǵy ortasha tutyný 30,4 gigabait bolǵan. Al Beeline jelisinde ekinshi toqsanda bir paidalanýshyǵa 22,9 gigabaittan kelgen.
Trafik kóleminiń ulǵaiýy bailanys operatorlaryna túsetin júktemeni arttyrady. Suranysty qamtamasyz etý úshin bazalyq stantsiialar sanyn kóbeitip, jeliniń ótkizý qabiletin arttyrý qajet.
Operatorlar jelini jańǵyrtýǵa milliardtaǵan teńge jumsap jatyr
Sońǵy úsh jarym jylda Kcell jáne Activ brendterine ielik etetin «Ksell» AQ-nyń kúrdeli shyǵyndary 411,8 mlrd teńgege jetken. Al Beeline jáne izi brendteriniń iesi «KaR-Tel» JShS osy kezeńde 288,6 mlrd teńge investitsiia salǵan. Tele2 jáne Altel operatorlary shyǵyndarynyń naqty kólemin jariialamaidy. Degenmen kompaniia onjyldyqtyń sońyna deiin jelini damytýǵa 400 mlrd teńgeden astam qarajat baǵyttaýdy josparlap otyr.
Jalpy, sońǵy úsh jylda aqparat jáne bailanys salasyna salynǵan investitsiia kólemi 1,2 trln teńgege jýyqtaǵan. Bul buǵan deiingi úsh jylmen salystyrǵanda eki eseden astam kóp. Investitsiianyń bir bóligi 5G jiilikterine arnalǵan litsenziialardy satyp alýǵa jumsalǵan. Onyń quny shamamen 156 mlrd teńgeni qurady.
Investitsiialyq belsendilik biyl da jalǵasyp jatyr. 2026 jylǵy qańtar-qyrkúiek aralyǵynda aqparat jáne bailanys salasyndaǵy negizgi kapitalǵa salynǵan investitsiia ótken jyldyń sáikes kezeńimen salystyrǵanda 47 paiyzǵa ósken.
Bailanys tarifteri infliatsiiadan baiaý qymbattaǵan
Finprom.kz taldaýynda mobildi bailanys tarifteriniń ózgerisi de qarastyrylǵan. 2020 jylǵy jeltoqsannan 2026 jylǵy qyrkúiekke deiin abonenttik tólem 58,4 paiyzǵa ósken. Al osy kezeńdegi jalpy infliatsiia 86,8 paiyzdy quraǵan.
Sonymen birge jekelegen jyldary bailanys qyzmetteri aitarlyqtai qymbattaǵan. Máselen, 2024 jyly uialy bailanys baǵasy 27 paiyzǵa ósken. Bul sol kezeńdegi jalpy infliatsiia deńgeiinen úsh eseden astam joǵary.
Sarapshylardyń esebinshe, 2020-2025 jyldary bir abonentke shaqqandaǵy internet trafigi 77 paiyzǵa artqan. Al abonenttik tólem osy qarqynmen óspegendikten, bir gigabaittyń salystyrmaly quny tómendegen.
Osylaisha, Qazaqstan mobildi internettiń baǵasy men jyldamdyǵynyń araqatynasy boiynsha birqatar memleketten alda tur. Alaida sarapshylar jelilerdi jańǵyrtý, 5G tehnologiiasyn damytý jáne trafikke suranystyń ósýi operatorlardan jańa investitsiialardy talap etetinin eskertedi. Olardyń pikirinshe, tarifterdi birtindep indeksteý bailanys sapasy men qoljetimdiligin saqtaýdyń bir sharty bolýy múmkin. Bul rette tabysy tómen otbasylar úshin tarifterdiń ósýi aitarlyqtai sezilýi yqtimal.
