Astanadaǵy №87 «Qadyr» memlekettik balabaqshasynda tárbielenip júrgen qyz balaǵa kúsh qoldanyldy degen shaǵymnan keiin politsiia qylmystyq is qozǵady. Oqiǵaǵa qatysty tergeý amaldary júrgizilip jatyr, dep habarlaidy dalanews.kz.
Telegram jelisindegi KöpSöz arnasynyń málimetinshe, shaǵym Máńgilik El dańǵylynda ornalasqan №87 «Qadyr» balabaqshasyna qatysty túsken.
Balanyń týysynyń aitýynsha, birneshe ai boiy búldirshinge mekeme qyzmetkerleri tarapynan kúsh qoldanylǵan bolýy múmkin. Áieldiń sózinshe, mundai jaǵdailar buǵan deiin de bolǵan. Al sońǵy oqiǵada tárbieshi taǵy da balaǵa kúsh kórsetken.
Týysynyń aitýynsha, tárbieshi óz áreketin qyz balanyń qashýǵa tyrysqanymen túsindirgen. Pedagog balany qolymen abaisyzda qaǵyp ketkenin aitqan.
Osy jaǵdaidan keiin balanyń týystary politsiiaǵa aryzdanǵan.
Esil aýdandyq politsiia basqarmasy atalǵan derek boiynsha qylmystyq is qozǵalǵanyn habarlady. Qazir qajetti tergeý áreketteri júrgizilip jatyr. Tergeý múddesine bailanysty ózge aqparat jariialanbaidy.
Politsiia qylmystyq istiń naqty qai bap boiynsha tergelip jatqanyn ázirge habarlaǵan joq.
