Semeide tártip saqshylary temirjol mańynan jeti jasar balany baiqap, úiine jetkizdi, dep habarlaidy dalanews.kz.
Jeti jasar balanyń sol keshke óz jospary bolǵan. Politsiianyń málimetinshe, ol poiyzdardy kórgisi kelgen. Ata-anasy úide joq kezde ol temirjolǵa qarai bet alǵan. Qarańǵy túskenine qaramastan, balanyń qyzyǵýshylyǵy qaýipsizdik týraly oidan basym túsken.
Saǵat 19:40 shamasynda rels mańynda jalǵyz júrgen balany patrýldik politsiia rotasynyń qyzmetkerleri baiqap qalǵan. Olar túngi patrýlge shyǵar aldynda Boztaev kóshesindegi janarmai quiý beketine toqtaǵan.
Politseiler bala ne sebepti munda jalǵyz júrgenin anyqtaý úshin qasyna barǵan. Bala poiyzdardy kórgisi kelgenin aityp, Komsomol kenti mańyndaǵy jeke turǵyn úide turatynyn jetkizgen.
Tártip saqshylary balany úiine jetkizip, ata-anasyna tapsyrdy.
