Qyrǵyzstanda prezidenttikke kandidattardy usyný merzimi aiaqtaldy. Aldyn ala málimet boiynsha, aldaǵy sailaýǵa qatysýǵa 11 adam niet bildirgen. Olardyń qatarynda qazirgi memleket basshysy Sadyr Japarov ta bar, dep habarlaidy dalanews.kz.
Qyrǵyzstannyń Ortalyq sailaý komissiiasynyń málimetinshe, kandidattardy usyný kezeńi 13 qarashada aiaqtalǵan. Úmitkerlerdiń arasynda kásipkerler, burynǵy memlekettik qyzmetshiler, depýtattar jáne saiasatkerler bar. Tizimde bir áiel kandidat tirkelgen.
Prezidenttikke úmitkerler:
1. Aimen Kasenov - kásipker;
2. Azamat Esenbekov - ekonomist, burynǵy aýdan ákimi;
3. Syimyk Japykeev - Qarjy politsiiasynyń burynǵy basshysy;
4. Akai Qydyrov - kásipker;
5. Ishak Masaliev - saiasatker, Jogorký Keneshtiń burynǵy depýtaty;
6. Sadyr Japarov - Qyrǵyzstannyń qazirgi prezidenti;
7. Baktybek Kalmamatov - Jogorký Keneshtiń burynǵy depýtaty;
8. Bakytbek Adylov - Memlekettik kóshi-qon qyzmetiniń burynǵy basshysy;
9. Amýr Aiba Meder - kásipker;
10. Mambetjýnýs Abylov - Ortalyq sailaý komissiiasynyń burynǵy tóraǵasy;
11. Klara Sooronkýlova - Joǵarǵy sottyń Konstitýtsiialyq palatasynyń burynǵy sýdiasy.
Aldyn ala málimet boiynsha, úmitkerlerdiń jasy 34 pen 72 aralyǵynda. Eń úlkeni - Mambetjýnýs Abylov, al eń jasy Akai Qydyrov. Ol 16 qarashada 35 jasqa tolady.
Qyrǵyzstan zańnamasyna sáikes, árbir úmitkerdi tirkeý úshin keminde 30 myń sailaýshynyń qolyn jinaýy qajet. Qol jinaý 7 jeltoqsanǵa deiin jalǵasady. Tirkeýge qajetti qujattardy qabyldaý 13 jeltoqsanǵa deiin júrgiziledi, al kandidattardy tirkeý 23 jeltoqsanda aiaqtalady.
Qyrǵyzstandaǵy prezident sailaýy 2027 jylǵy 27 qańtarǵa belgilengen.
