Nvidia kompaniiasynyń negizin qalaýshy ári bas direktory Djensen Hýang qyzmetinen ketti. Kompaniia direktorlar keńesi onyń otstavkasyn qabyldap, qarjy direktory Kolett Kress ýaqytsha bas direktor bolyp taǵaiyndaldy, dep habarlaidy dalanews.kz.
The Guardian basylymynyń habarlaýynsha, Hýangtyń otstavkasy kompaniia tóńiregindegi daý-damaidan keiin bolǵan. Buǵan deiin onyń nekeden tys qarym-qatynastary týraly aqparat taralyp, olardyń biri Qytaidyń yqtimal tyńshysy dep kúdikke ilingen áielmen bailanystyrylǵan. Sondai-aq kompaniia qyzmetkerimen qarym-qatynasy týraly málimet jariialanǵan.
Nvidia direktorlar keńesi buǵan deiin Hýangtyń sheteldik barlaý operatsiiasynyń nysanasyna ainalýy múmkin ekeni týraly aqparatqa bailanysty táýelsiz tergeý bastaǵan. Kompaniia keńesi onyń otstavkasyn qabyldaǵanyn málimdedi.
Kolett Kress ýaqytsha bas direktor mindetin atqarady. Al kompaniianyń uzaq jyldar boiy direktorlar keńesiniń múshesi bolǵan Harvi Djons keńes tóraǵasy bolyp taǵaiyndaldy.
Djensen Hýang Nvidia kompaniiasyn 1993 jyly qurǵan. Onyń basshylyǵymen kompaniia jasandy intellekt salasyna arnalǵan chipterdiń álemdegi jetekshi óndirýshileriniń birine ainaldy. Nvidia-nyń naryqtyq quny shamamen 4 trillion dollarǵa baǵalanady.
