Viktorinanyń oflain formattaǵy kezeńi Astana qalasyndaǵy Atom tehnologiialary jónindegi aqparattyq ortalyqtyń bazasynda ótti. Is-sharaǵa 50-den astam adam qatysty, dep habarlaidy Dalanews.kz.
10 qarashada «Rosatom» memlekettik korporatsiiasy Beibitshilik pen damý jolyndaǵy dúniejúzilik ǵylym kúnine orai halyqaralyq Global Atomic Quiz aǵartýshylyq viktorinasyn jetinshi ret uiymdastyrdy.
Biyl viktorinaǵa qatysýshylar atom tehnologiialarynyń kúndelikti ómirimizdi qalai jaqsartatynyn bildi. «Bir atomdyq kún» dep atalatyn jobanyń biylǵy taqyryby ómirdi jaily, qaýipsiz ári qyzyqty etýge kómektesetin beibit atom tehnologiialaryna arnaldy.
Global Atomic Quiz viktorinasy qatysýshylarǵa atom tehnologiialarynyń kúndelikti ómirdegi rólin tanyp-bilýge jáne úirenshikti zattar men qubylystardyń ǵylymi qyryn ashýǵa múmkindik beredi. Viktorina barysynda qatysýshylar óz bilimderin tekserip, atom tehnologiialaryn qoldaný týraly tyń derektermen tanysady jáne zamanaýi ǵylym jetistikterine jańasha kózqaraspen qarai alady.
Qazaqstandyqtar jobaǵa Astana qalasyndaǵy Atom tehnologiialary jónindegi aqparattyq ortalyqtyń alańynda oflain formatta qatysty. Munda 50-den astam adam bas qosyp, óz bilimderin synap, atom tehnologiialaryn beibit maqsatta qoldaný múmkindikteri týraly kóbirek aqparat aldy.
Viktorinaǵa jobanyń resmi saity arqyly onlain formatta da qatysýǵa múmkindik boldy. Qatysýshylar júldeler úshin baq synady. Viktorina qorytyndysy boiynsha úzdik nátije kórsetken úsh qatysýshy basty júlde - Reseige baryp, álemdegi alǵashqy atom elektr stantsiiasymen tanysý múmkindigine ie bolady. Sonymen qatar barlyq qatysýshylarǵa elektrondyq sertifikattar tabystalady.
Anyqtama: Global Atomic Quiz - «Rosatom» memlekettik korporatsiiasynyń iadrolyq fizika negizderin túsindirýge, atom tehnologiialarynyń adamzattyń kúndelikti ómirindegi mańyzyn jáne atom energetikasynyń planetamyzdy saqtaýdaǵy rólin tanytýǵa baǵyttalǵan halyqaralyq aǵartýshylyq jobasy.
Joba 2020 jyldan beri 16 tilde: orys, aǵylshyn, ózbek, armian, arab, vengr, túrik, portýgal, ispan, mianma, indoneziia, bengal, qazaq, mońǵol, vetnam jáne sýahili tilderinde ótkizilip keledi. Osy ýaqyt aralyǵynda viktorinaǵa álemniń 100-den astam elinen 111 myńnan astam mektep oqýshylary men stýdentter qatysty.
2023 jyly Global Atomic Quiz jobasy «Ǵylym álemge» atalymy boiynsha Búkilreseilik IX «Ǵylymǵa adaldyq úshin» syilyǵynyń laýreaty atandy.
«Rosatomnyń» aǵartýshylyq qyzmeti keń aýditoriiany qamtýǵa baǵyttalǵan. Atom tehnologiialaryn nasihattaýmen qatar, ǵylymi-aǵartýshylyq jobalardyń negizgi maqsattary - ǵylym men tehnologiialar týraly bilimniń qoljetimdiligin arttyrý, sondai-aq ǵylymi-tehnikalyq bilim men injenerlik mamandyqtardyń tartymdylyǵyn kúsheitý.
Beibitshilik pen damý jolyndaǵy dúniejúzilik ǵylym kúnin IýNESKO 2001 jyly bekitken. Onyń basty maqsaty - ǵalymdardyń adamzattyń damýyna qosqan úlesin atap ótý.
