Qomaqty qarjyny qaida ustaǵan durys? dalanews.kz saýalyna qarjy sarapshysy Aibar Oljai jaýap berdi.
Sarapshynyń aitýynsha, iri kólemdegi aqshany úide qolma-qol saqtaý - eń qaýipti tásilderdiń biri. Sondai-aq, aqshany túgeldei aktsiiaǵa, obligatsiiaǵa nemese basqa bir aktivke salmai, birneshe bólikke bólip saqtaǵan jón.
"Ony birneshe bankte saqtaýǵa bolady. Ár banktegi salymǵa kepildik berilgen shekten aspaityndai etip bólgen durys. Reitingi BB-dan tómen emes bes iri bankti tańdaǵan jón", - deidi ol.
Budan bólek, Ulttyq banktiń altyn quimalaryn satyp alyp, olardy banktegi seif uiashyǵynda saqtaýǵa bolady. Sarapshy aqshanyń bir bóligin osylai saqtaýdy usyndy.
"Al kriptovaliýtaǵa kelsek, ony aqsha saqtaý quraly retinde qarastyrmaǵan durys. Kriptovaliýta - aqshany saqtaýdan góri, ony kóbeitýge baǵyttalǵan investitsiia quraly. Aktsiialar men obligatsiialar týraly da osyny aitýǵa bolady. Maqsat aqshanyń qunyn joǵaltpai, bastapqy somasyn saqtap qalý bolsa, osy aitylǵan tásilderdi tańdaǵan jón", - deidi Aibar Oljai.
