Qazaqstandyqtar zeinetaqy jinaǵyn saqtandyrý kompaniialaryna jii aýdara bastady, dep habarlaidy dalanews.kz.
2026 jylǵy qańtar-qyrkúiek ailarynda azamattar Biryńǵai jinaqtaýshy zeinetaqy qorynan (BJZQ) saqtandyrý kompaniialaryna 564,4 milliard teńge aýdarǵan. Bul byltyrǵy sáikes kezeńmen salystyrǵanda 109,7 paiyzǵa kóp. Tek úshinshi toqsanda aýdarylǵan qarajat kólemi 271,6 milliard teńgege jetti.
Osy kezeńde ómirdi saqtandyrý kompaniialarynyń aktivteri 36,1 paiyzǵa ósip, 3,1 trillion teńgege jetti. Al zeinetaqy annýitetterinen túsken saqtandyrý jarnalary 130,5 paiyzǵa artyp, 757,6 milliard teńge boldy. Qazir bul tólemder ómirdi saqtandyrý kompaniialary jinaityn barlyq jarnanyń 65,6 paiyzy bolady.
Saqtandyrý kompaniialarynyń klientterge tólegen qarajaty da 92,2 paiyzǵa ósip, 197,3 milliard teńgege jetti. Tólemderdiń basym bóligi zeinetaqy annýitetterine tiesili. Al kompaniialardyń taza paidasy 6,8 paiyzǵa azaiyp, 164 milliard teńge boldy.
Mamandardyń dereginshe, naryqtaǵy negizgi úrdis - qazaqstandyqtardyń zeinetaqy jinaǵyn saqtandyrý kompaniialaryna kóbirek aýdaryp, zeinetaqy annýitetterin jii rásimdei bastaýy. Degenmen BJZQ-daǵy qarajatty aýdarmas buryn kelisimshart talaptaryn, bolashaq tólem mólsherin jáne shekteýlerdi muqiiat zerdeleý qajet.
