Nvidia aktsiialary bas direktor Djensen Hýang qyzmetinen ketýi múmkin degen aqparattan keiin birjadan tys saýdada 10 paiyzǵa arzandady, dep habarlaidy dalanews.kz.
Bloomberg málimetinshe, aktsiia tómendeýine The New York Times basylymynyń Hýang ózine tikelei baǵynatyn qyzmetkermen kóńil jarastyrǵany týraly maqalasy túrtki bolǵan.
Keiin Wall Street Journal direktorlar keńesi Hýangti qyzmetinen bosatý múmkindigin qarastyryp jatqanyn habarlaǵan soń aktsiialar odan ári quldyrady. Alaida ázirge onyń qyzmetten ketetini týraly resmi sheshim qabyldanǵan joq.
Bernstein sarapshylary Nvidia aktsiialarynyń reitingin "naryqtan joǵary" deńgeiinen "naryq deńgeiine" deiin tómendetip, boljamdy baǵasyn 400 dollardan 200 dollarǵa deiin azaitty.
Buǵan deiin Baird pen Morgan Stanley sarapshylary da aktsiialar reitingin tómendetken. Yorkville Ives baǵalaýynsha, Hýang kompaniia basshylyǵynan ketse, Nvidia aktsiialarynyń quny 300 dollardan 225 dollarǵa deiin tómendeýi múmkin.
