«QAJservis» JShS Atyraý oblystyq filialynda 34,8 mln teńge kóleminde qarjylyq zańbuzýshylyq anyqtaldy. Qazir kompaniia quqyq qorǵaý organdarymen birlesip, osy derek boiynsha jumys júrgizip jatyr, dep habarlaidy dalanews.kz.
Kompaniianyń málimetinshe, zańbuzýshylyqtar qarjy-sharýashylyq qyzmetine júrgizilgen ishki taldaý barysynda belgili bolǵan. Atap aitqanda, filialdyń burynǵy bas býhgalteriniń jeke bank shottaryna negizsiz aqsha aýdarylǵany anyqtalǵan. Bul derekter 2026 jylǵy 3 aqpanda qujat júzinde tirkelgen.
Osydan keiin kompaniia materialdardy quqyq qorǵaý organdaryna óz bastamasymen joldaǵan. Atap aitqanda, 5 aqpan men 26 naýryzda Atyraý oblysy boiynsha Ekonomikalyq tergep-tekserý departamentine tiisti ótinishter jiberilgen.
Qazir «QAJservis» prokýratýra jáne ekonomikalyq tergeý organdarymen birlesip, zańbuzýshylyqtardyń barlyq mán-jaiyn anyqtaýǵa qatysyp jatyr.
Kompaniia ýákiletti organdarǵa qajetti kómek kórsetip, tergeýdiń obektivti júrgizilýine múddeli ekenin málimdedi. Sondai-aq kináli adamdardy zań aiasynda jaýapqa tartý jáne keltirilgen shyǵyndy óndirip alý kózdelip otyr.
