Almaty oblysyndaǵy Alataý qalasynda amerikalyq PepsiCo kompaniiasy qazaqstandyq kartoptan jasalǵan Lay’s chipsysynyń alǵashqy qaptamasyn shyǵardy. Bul týraly kompaniia ókili B20 dóńgelek ústelinde málimdedi, dep habarlaidy dalanews.kz.
Kompaniia Qazaqstanda tuzdy tiskebasar óndiretin zaýyt salýǵa 360 million dollar investitsiia quiyp jatyr. Kásiporyn tolyq qýatyna shyqqan kezde álemdegi eń iri snek ónimderin óndiretin zaýyttardyń birine ainalýy múmkin.
Jańa zaýytta 900 jumys ornyn ashý josparlanǵan. Kásiporynnyń resmi ashylýy 2027 jyldyń sáýirine belgilengen. Joba Qazaqstannyń aýyl sharýashylyǵy ónimderin óńdeý salasyn damytýǵa da yqpal etpek. Atap aitqanda, otandyq kartopqa suranys artyp, halyqaralyq brendtiń ónimi Qazaqstannyń ózinde óndiriletin bolady.
Osylaisha, Alataýdaǵy jańa kásiporyn aýyl sharýashylyǵy men óńdeý ónerkásibiniń damýyna serpin beretin jobalardyń birine ainalmaq.
