12 qarasha kúni tańerteń álemdik naryqta munai baǵasy tómendedi, dep habarlaidy dalanews.kz.
Londonnyń ICE Futures birjasynda Brent markaly munaidyń qańtar aiyndaǵy fiýchersteri barreline 1,21 dollarǵa (1,3%) arzandap, 91,55 dollarǵa deiin tústi.
Aldyńǵy saýda sessiiasynda Brent baǵasy 1,27 dollarǵa (1,39%) ósip, barreline 92,76 dollar bolǵan edi.
Sonymen qatar Niý-Iork taýar birjasyndaǵy (NYMEX) elektrondy saýda barysynda WTI markaly munaidyń jeltoqsan aiyndaǵy fiýchersteri 99 tsentke (1,14%) arzandap, barreline 85,54 dollardy qurady.
Bir kún buryn WTI baǵasy 49 tsentke (0,57%) ósip, barreline 86,53 dollarǵa jetken bolatyn.
